સુશાંત સિંહ રાજપૂત કેસમાં ડ્રગ્સના એંગલ પછી ઘણા બોલિવૂડ સ્ટાર્સ આ મામલે પ્રતિક્રિયા આપી રહ્યા છે. એવી ઘણી હસ્તીઓ છે જે બોલિવૂડના ડ્રગ્સ કલ્ચર વિશે ખુલ્લેઆમ વાતો કરી રહી છે. અભિનેત્રી શર્લિન ચોપડા પણ આ મામલે ખુલ્લેઆમ બોલી રહી છે. બોલિવૂડ અભિનેત્રીઓ ડ્રગ્સનું સેવન કરતી હોવાનું બહાર આવ્યા બાદ હવે ક્રિકેટરોની પત્નીઓ પર ડ્રગ્સ લેવાનો આરોપ લાગી રહ્યો છે.
બોલિવૂડ અભિનેત્રીએ જણાવી ચોંકાવનારી વાત
શર્લિન ચોપડાએ કહ્યું સ્ટાર ક્રિકેટરોની પત્નીઓ પણ લે છે ડ્રગ્સ
શર્લિને શેર કર્યો એક કિસ્સો
પોતાના બોલ્ડ અને વિવાદિત સોશ્યલ મીડિયા પોસ્ટને કારણે ચર્ચામાં રહેતી શર્લિન ચોપડાએ હાલમાં મીડિયા સાથે વાત કરી હતી. આ દરમિયાન તેણે સુશાંત સિંહ રાજપૂત કેસમાં દીપિકા પાદુકોણ, શ્રદ્ધા કપૂર, સારા અલી ખાન અને રકુલ પ્રીત સિંહ સહિત અનેક ફિલ્મ સ્ટાર્સ અંગે વાત કરી હતી. શર્લિન ચોપડાએ આ દરમિયાન કહ્યું કે મોટા ક્રિકેટરો અને સુપરસ્ટાર્સની પત્નીઓ પણ ડ્રગ્સ પાર્ટીમાં સામેલ થાય છે અને કોકેનનું સેવન કરે છે.
મીડિયા રિપોર્ટ્સ અનુસાર, શર્લિન ચોપડાએ કહ્યું, 'એકવાર હું કોલકાતાની કેકેઆર મેચ જોવા ગઈ હતી. મેચ બાદ પાર્ટી યોજાઇ હતી. હું પણ તે પાર્ટીમાં સામેલ થઈ હતી. તે દરમિયાન મેં જોયું કે ક્રિકેટર્સ અને બોલિવૂડ સ્ટાર્સ દમ મારો દમ કરી રહ્યા હતા. મેં પણ ખૂબ ડાંસ કર્યો.પછી જ્યારે હું ડાંસ કરતા થાકી ગઈ તો ફ્રેશ થવા વોશરૂમ ગઈ અને ત્યાં જે ચાલી રહ્યું હતું તે જોઈને હું દંગ રહી ગઈ.
કોઈપણ ક્રિકેટરની પત્નીનું નામ લીધા વિના શર્લિન ચોપરાએ કહ્યું-આપણા ક્રિકેટ સુપરસ્ટાર્સની પત્નીઓ સફેદ પાવડર એટલે કે કોકેનના શોટ મારી રહી હતી. આ જોઈને મને લાગ્યું કે આ લોકો શું કરી રહ્યાં છે અને શા માટે કરી રહ્યાં છે અને પછી હું ત્યાંથી જતી રહી. આ પહેલાં શર્લિને બોલિવૂડ પાર્ટીઝ વિશે પણ નિવેદન આપ્યું હતું. તેણે કહ્યું હતું કે, બોલિવૂડમાં 95 ટકા લોકો પાર્ટીઓમાં ડ્રગ્સ ઓફર કરે છે.