મનોરંજન / વરસાદ જોઈ શહેનાઝને આવી સિદ્ધાર્થ શુક્લાની યાદ, VIDEO જોઈ ઈમોશનલ થયા ફેન્સ

• વરસાદમાં શહેનાઝને આવી સિદ્ધાર્થની યાદ 
• સોશિયલ મીડિયા પર શેર કર્યો વીડિયો 
• વીડિયો જોઈ ફેન્સ થયા ઈમોશનલ 

અભિનેત્રી અને પંજાબી સિંગર શહેનાઝ ગિલને 'પંજાબની કેટરિના કૈફ' કહેવામાં આવતી હતી, પરંતુ 'બિગ બોસ 13'માં તેણે પોતાની માસૂમિયત અને બેદાગ અંદાજથી આખા દેશનું દિલ જીતી લીધું હતું. 

જો કે, દિવંગત અભિનેતા અને તેના રૂમર્ડ બોયફ્રેન્ડ સિદ્ધાર્થ શુક્લાના મૃત્યુ પછી, શહેનાઝ અંદરથી તૂટી ગઈ હતી. તે ઘણીવાર સિદ્ધાર્થને યાદ કરતી જોવા મળે છે અને તાજેતરમાં જ તેણે ફરી એકવાર એક વીડિયો શેર કર્યો છે, જે સિદ્ધાર્થ તરફ ઈશારો કરી રહ્યો છે.

 

 

 

 

View this post on Instagram

 

 

 

 

 

 

 

 

 

 

 

A post shared by Shehnaaz Gill (@shehnaazgill)

શહેનાઝ ગિલનો લેટેસ્ટ વીડિયો
હકીકતે શહનાઝ ગિલે તેના ઇન્સ્ટાગ્રામ હેન્ડલ પર એક વીડિયો શેર કર્યો છે. આમાં શહેનાઝ કહેતી જોવા મળે છે કે, જો તમને વરસાદની ઋતુમાં ગાવાનું મન થાય તો ગાવું જોઈએ. આ પછી તેણે પોતાનું મનપસંદ ગીત 'કૌન તુઝે યૂં પ્યાર કરેગા, જૈસે મેં કરતી હૂં' ગાયું. 

આ દરમિયાન અભિનેત્રીએ ઉપર તરફ ઈશારો કર્યો, જેનાથી લાગે છે કે તે આ ગીત સિદ્ધાર્થ માટે ગાઈ રહી છે. વીડિયો શેર કરતા શહેનાઝ ગિલે કેપ્શનમાં લખ્યું, 'દિલ કી બાત'. શહેનાઝનો આ વીડિયો જોઈને સિદનાઝના ફેન પણ ઈમોશનલ થઈ ગયા હતા અને કમેન્ટ્સમાં પોતાની ફિલિંગ લખી રહ્યા છે. 

શહેનાઝ ગિલ-સિદ્ધાર્થ શુક્લાની લવ સ્ટોરી
'બિગ બોસ 13' એવો શો હતો જ્યાં સિદનાઝ એટલે કે શહેનાઝ અને સિદ્ધાર્થ એકબીજાના પ્રેમમાં પડ્યા હતા. તેમની શાનદાર કેમિસ્ટ્રીએ શોની ટીઆરપી વધારી દીધી હતી. હંમેશા એવું જોવા મળે છે કે શોની બહાર સંબંધો બગડે છે, પરંતુ શહેનાઝ અને સિદ્ધાર્થ વચ્ચેનો પ્રેમ શોમાંથી બહાર આવ્યા પછી વધી ગયો.

જોકે, 2 સપ્ટેમ્બર 2021ના રોજ હાર્ટ એટેકના કારણે સિદ્ધાર્થ શુક્લાના મૃત્યુ પછી શહેનાઝ ભાંગી પડી હતી, પરંતુ હવે અભિનેત્રીએ પોતાની જાતને સંભાળી લીધી છે અને હવે તે ટૂંક સમયમાં જ ફિલ્મ 'કભી ઈદ કભી દિવાળી' સાથે બોલિવૂડમાં ડેબ્યૂ કરવા જઈ રહી છે.