બોલિવૂડમાં ઘણાં યાદગાર પાત્રો ભજવનારી અભિનેત્રી શેફાલી શાહ આજે પણ પોતાના શાનદાર અભિનયથી તેના ચાહકોને ઈમ્પ્રેસ કરી રહી છે. શેફાલી શાહે હાલમાં આપેલાં તેના એક ઇન્ટરવ્યૂમાં જણાવ્યું છે કે તે બોલિવૂડ ઇન્ડસ્ટ્રીમાં ટાઇપકાસ્ટનો શિકાર બની ચૂકી છે. તેણે કહ્યું કે, તેણે ખૂબ જ નાની ઉંમરમાં પોતાનાથી મોટી ઉંમરના કલાકારોની માતાની ભૂમિકા ભજવી છે. જેના કારણે તેના કરિયરને નુકસાન થયું છે. તેણે 28-30 વર્ષની ઉંમરે અક્ષય કુમારની માતાની ભૂમિકા ભજવવાનું ઉદાહરણ પણ આપ્યું છે.
સાવ નાની ઉંમરમાં આ ગુજરાતી અભિનેત્રી બની હતી અક્ષય કુમારની ઓનસ્ક્રીન માતા
અભિનેત્રી શેફાલી શાહ આજે પણ પોતાના શાનદાર અભિનયથી તેના ચાહકોને ઈમ્પ્રેસ કરી રહી છે
શેફાલીએ કહ્યું કે તેણે માત્ર 20 વર્ષની ઉંમરેપહેલીવાર માતાની ભૂમિકા ભજવી હતી
શેફાલી શાહે તેના ઇન્ટરવ્યૂમાં કહ્યું કે તે જ્યારે માત્ર 20 વર્ષની હતી, ત્યારે તેણે પહેલીવાર માતાની ભૂમિકા ભજવી હતી. જેના કારણે તે તેના કરિયરમાં ખૂબ જ શરૂઆતના સમયમાં ટાઇપકાસ્ટ થઈ ગઈ હતી. તે કહે છે કે તે એ ઉંમરે પણ પહોંચી ન હતી. તેણે કહ્યું કે 20 વર્ષની ઉંમરે તેણે ફિલ્મ 'હસરતેં'માં મિડલ એજ માતાની ભૂમિકા ભજવી હતી.
આ સિવાય તેણે 2005માં આવેલી ફિલ્મ 'વક્ત: ધ રેસ અગેંસ્ટ ટાઇમ'માં અમિતાભ બચ્ચનની પત્ની અને અક્ષય કુમારની માતાની ભૂમિકા ભજવી હતી. તે સમયે શેફાલી માત્ર 28-30 વર્ષની હતી. આ વિશે વાત કરતાં શેફાલીએ કહ્યું કે, 'હું માતાના રોલને કારણે મારા જીવનની શરૂઆતમાં ટાઇપકાસ્ટ થઈ ગઈ હતી. હું તે ઉંમરે પણ પહોંચી નહોતી. મેં એક શો કર્યો હતો જેમાં હું ફક્ત 20 વર્ષની હતી અને મેં 15 વર્ષના છોકરાની માતાની ભૂમિકા ભજવી હતી અને ત્યારબાદ મૈં અક્ષયકુમારની માતાની ભૂમિકા ભજવી હતી ત્યારે હું 28થી 30 વર્ષની હતી. તેથી હું મારી કારકિર્દીની શરૂઆતમાં ટાઇપકાસ્ટ થઈ ગઈ. તે સ્ક્રીન ટાઇમ મુજબ હું 133 વર્ષની હોત.
શેફાલીએ એમ પણ કહ્યું કે તેણે આવી ઘણી ભૂમિકાઓ ભજવી છે, તેણે કહ્યું- 'ઘણાં વર્ષોથી હું કામ કરવા માટે ના કહેતી રહી કારણ કે તે બરાબર ન હતું. અને પછી 'જૂસ' આવ્યું. તે પછી એક સરળ અને સુંદર લવ સ્ટોરી આવી અને પછી 'દિલ્હી ક્રાઈમ' આવી. આ બધાં પ્રોજેક્ટ્સે મને કેન્દ્રમાં લાવી દીધી. આ પછી, હું આખરે એ કામ કરી રહી છું જે મને ખરેખર પસંદ છે.