ઓસ્ટ્રેલિયાના સિડનીમાં રમાયેલી ભારત અને નેધરલેન્ડ વચ્ચેની મેચમાં એક અલભ્ય નજારો જોવા મળ્યો હતો.
ભારત અને નેધરલેન્ડની મેચમાં અદ્દભુત નજારો
ચાલુ મેચમાં છોકરાએ ગર્લફ્રે્ન્ડને કર્યું પ્રપોઝ
છોકરીએ હા પણ પાડી, સગાઈ પણ થઈ ગઈ
ક્રિકેટની મેચ જોવી તો આમેય રસપ્રદ હોય છે અને ક્યારેક મેચની સાથે રોમાન્ટિક ઘટના પણ જતી હોય છે. આજે ઓસ્ટ્રેલિયાના સિડની ખાતે રમાયેલી ભારત અને નેધરલેન્ડ વચ્ચેની મેચ દરમિયાન સ્ટેડિયમમાં એક રોમેન્ટિક નજારો જોવા મળ્યો હતો. એક ચાહકે તેની ગર્લફ્રેન્ડને ભરચક સ્ટેડિયમમાં લગ્ન માટે પ્રપોઝ કર્યું હતું. છોકરીએ છોકરાની પ્રપોઝલ રાજીખુશીથી સ્વીકારી પણ લીધી હતી જે પછી બન્ને વચ્ચે સગાઈ પણ થઈ ગઈ હતી. સ્ટેડિયમમાં આ સગાઈની ચર્ચા દરેક જગ્યાએ થઈ રહી છે.
A few rows below my seat: the video grapher came to capture the moment (how do they choreograph it?). He proposed and from the reaction, she must have said yes. Good for them.
મેદાન પર જોવા મળ્યો રોમેન્ટિક નજારો
આ મેચમાં ભારતે પ્રથમ બેટિંગ કરતા 179 રન બનાવ્યા હતા. નેધરલેન્ડ માટે શરુઆત સારી રહી નહતી. ઇનિંગ્સની સાતમી ઓવર ચાલી રહી હતી. સાતમી ઓવરમાં હાર્દિક પંડ્યા બોલિંગ કરી રહ્યો હતો. પછી સ્ક્રીન પર એક અદ્ભુત દૃશ્ય જોવા મળ્યું. એક ચાહક અચાનક તેની સીટ પરથી ઊભો થયો અને તેની બાજુમાં બેઠેલી ગર્લફ્રેન્ડ તરફ ફર્યો. યુવતી કંઈ સમજે તે પહેલા તે ઘૂંટણ પાસે આવ્યો અને રિંગ બોક્સને બહાર કાઢ્યું. તેણે વીંટી કાઢી અને તેની ગર્લફ્રેન્ડને બૂમ પાડી, 'શું તું મારી સાથે લગ્ન કરીશ.' પાછળ ઉભેલા તમામ ભારતીય ચાહકો આ સમય દરમિયાન છોકરાઓનો ઉત્સાહ વધારી રહ્યા હતા. જોતજોતામાં આ વીડિયો સોશિયલ મીડિયા પર વાયરલ થઇ ગયો.
નેધરલેન્ડ સામે ભારતની 56 રને જીત
ગુરુવારે સિડનીના મેદાન પર ભારત અને નેધરલેન્ડની ટીમો આમને-સામને હતી. ભારતે અહીં આસાનીથી જીત મેળવી હતી અને તોફાની અડધી સદીને કારણે સૂર્યકુમાર યાદવને મેન ઓફ ધ મેચ જાહેર કરવામાં આવ્યો હતો. સૂર્યકુમાર યાદવે 25 બોલમાં અણનમ 51 રન અને વિરાટ કોહલી અને રોહિત શર્માએ અડધી સદી ફટકારતાં ભારતે નેધરલેન્ડને 56 રનથી હરાવીને ગુરુવારે ટી-20 વર્લ્ડ કપમાં સતત બીજી જીત નોંધાવી હતી. જવાબમાં નેધરલેન્ડની ટીમ આ મેળ ખાતી મેચમાં નવ વિકેટે 123 રન જ બનાવી શકી હતી.