રાજકોટ શહેરમાં એક ચોંકાવનારો અજીબો ગરીબ કિસ્સો સામે આવ્યો છે. રાજકોટમાં રહેતા વ્યક્તિને લગ્નની લાલચ આપી હની ટ્રેપમાં ફસાવ્યા હોવાની ઘટના સામે આવી હતી.
રાજકોટ શહેરમાં એક ચોંકાવનારો અજીબો ગરીબ કિસ્સો સામે આવ્યો
લગ્નની લાલચ આપી હની ટ્રેપમાં ફસાવ્યા
ક્રાઈમ બ્રાન્ચે ચાર આરોપીઓ પૈકી ત્રણ આરોપીઓની ધરપકડ કરી
રાજકોટ શહેરમાં એક ચોંકાવનારો અજીબો ગરીબ કિસ્સો સામે આવ્યો છે. રાજકોટના ભક્તિનગર પોલીસ સ્ટેશન વિસ્તારમાં રહેતા જયેશ કોઠીયા નામના વ્યક્તિને લગ્નની લાલચ આપી હની ટ્રેપમાં ફસાવ્યા હોવાની ઘટના સામે આવી હતી. ત્યારે સમગ્ર મામલે ક્રાઈમ બ્રાન્ચે ચાર આરોપીઓ પૈકી ત્રણ આરોપીઓની ધરપકડ કરી ભક્તિનગર પોલીસને સોંપ્યા છે.
ક્રાઈમ બ્રાન્ચે તમામ આરોપીઓની ધરપકડ કરી
રાજકોટ એસીપી ક્રાઈમ ભરત બસિયાએ ભક્તિનગર પોલીસ સ્ટેશનમાં જયેશ ગોરધનભાઈ કોઠીયા નામની વ્યક્તિએ હની ટ્રેપની ફરિયાદ નોંધાવી હતી. જે અંતર્ગત રાજકોટ ક્રાઈમ બ્રાન્ચ ની ટીમ દ્વારા સોનલબેન ભંડેરી, જાનકીબેન ઉપરા તેમજ જીતુદાન ઉર્ફે ભૂરો ઉર્ફે જીતુ બાણી દાન જેસાણીની ધરપકડ કરી છે. તેમજ આ ગુનાના કામે ચિરાગ ઉર્ફે લાલા ભરવાડ ની ધરપકડ કરવાની બાકી છે. ત્યારે ક્રાઈમ બ્રાન્ચે પકડેલા તમામ આરોપીઓને ગુનાના કામે વધુ તપાસ અર્થે ભક્તિનગર પોલીસને સોંપવામાં આવ્યા છે. ક્રાઈમ બ્રાન્ચ ની ટીમ દ્વારા આરોપીઓ પાસેથી રોકડ રૂપિયા 55 હજાર મળી કુલ 1 લાખ 60 હજારનો મુદ્દામાલ કબજે કરવામાં આવ્યો છે.
ગુનેગારો સામે અસંખ્ય ગુનાઓ નોંધાયેલા છે
ક્રાઈમ બ્રાન્ચ ની પ્રાથમિક તપાસમાં જાનકી કનકભાઈ ઉપરા વિરુદ્ધ અગાઉ રાજકોટ શહેરના આજીડેમ પોલીસ સ્ટેશનમાં તેમજ એરપોર્ટ પોલીસ સ્ટેશનમાં બે જેટલા ગુના નોંધાઈ ચૂક્યા છે. તેમજ જીતુદાન વિરુદ્ધ રાજકોટ શહેર તેમજ ગ્રામ્ય મળી કુલ પાંચ જેટલા ગુના નોંધાઈ ચૂક્યા છે.
કેવી રીતે ફરિયાદી બન્યા હનીટ્રેપ નો શિકાર
ફરિયાદી એકલવાયું જીવન ગાળતા હોવાના કારણે પાંચ મહિના પૂર્વે તેનો સંપર્ક સોનલ ભંડેરી સાથે થયો હતો. સોનલ ભંડેરીએ સાથે વાતચીત થયા બાદ ફરિયાદીએ પુનઃ લગ્ન સંસાર માંડવાની વાત કરી હતી. ત્યારબાદ ફરિયાદીને પોતાની જાણમાં ફસાવી પૈસા કઢાવવા માટે એક કાવતરું રચ્યું હતું. જે અંતર્ગત ચાર દિવસ પૂર્વે જયેશ કોઠીયાને સોનલ ભંડેરી નો ફોન આવ્યો હતો કે, એક મહિલા છે કે જેને સાત વર્ષની પુત્રી છે. મહિલા પણ દુઃખી છે જો તમે બંને મળી જાઓ તો સુખી થશો. આમ કહી સોનલ જયેશને તે મહિલાને મળાવવા માટે રાત્રિના સમયે લઈ આવી હતી. સોનલ સાથે આવેલી મહિલાએ પોતાનું નામ જાનકી જણાવ્યું હતું. જયેશ જાનકી અને સોનલ એકબીજા સાથે વાતો કરી રહ્યા હતા તે સમયે બે જેટલા અજાણ્યા વ્યક્તિઓ ઘરમાં ઘુશી આવ્યા હતા. જાણીએ આજે વ્યક્તિઓ ઘરમાં ઘૂસી આવ્યા હતા તે પૈકી એક વ્યક્તિને સોનલે જીતુ કહીને બોલાવ્યો હતો. જયેશને ગાલના તથા માથાના ભાગે ફડાકા જીકી દઈ જયેશ તેમજ જાનકીને સાથે બેસાડીને તેમના ફોટા પાડ્યા હતા. તેમજ જયેશ પાસે રહેલી કારની ચાવી આજકી જયેશને આટલો પકડી કારમાં બેસાડી દેવામાં આવ્યો હતો. આરોપીઓએ જયેશના પર્સમાં રહેલ એટીએમ કાર્ડના માધ્યમથી એટીએમ માં જઈ બે કટકે 50000 રૂપિયા પણ ઉપાડ્યા હોવાનું સામે આવ્યું છે. તેમજ ઘરેથી બીજા 5000 પણ પડાવ્યા હતા. તો સાથે જણાવ્યું હતું કે કાલ સુધીમાં ગમે તેમ કરીને 45,000 ની વ્યવસ્થા કરી દેજે અન્યથા તારા ફોટા વાયરલ કરી નાખીશું.
હનીટ્રેપનો શિકાર બનેલા લોકો પોલીસનો સંપર્ક કરી ફરિયાદ આપી શકે છે
રાજકોટમાં બનેલ હનીટ્રેપની ઘટના મામલે હાલતો પોલીસે આરોપીઓને પકડી પાડેલા છે તેમજ આ ઘટનામાં પોલીસે લોકોને અપીલ કરી હતી કે કોઈ વ્યક્તિ આવા હનીટ્રેપ નો શિકાર બન્યા હોય તો તેઓ પોલીસનો સંપર્ક કરેલ હોય તો તેઓ તાત્કાલિક પોલીસ નો સંપર્ક કરીને સામેથી પોલીસને ફરિયાદ આપે તેવી અપીલ કરી હતી.