બિહારમાં અતિ પ્રતિષ્ઠિત પટના સાહિબ લોકસભા સીટ ન માત્ર બિહાર માટે પરંતુ આખા દેશની ઉત્સુકતાનું કેન્દ્ર બની રહી છે. જેનું ખાસ કારણ તેના ઉમેવાર છે.
બિહારમાં અતિ પ્રતિષ્ઠિત પટના સાહિબ લોકસભા સીટ ન માત્ર બિહાર માટે પરંતુ આખા દેશની ઉત્સુકતાનું કેન્દ્ર બની રહી છે. જેનું ખાસ કારણ તેના ઉમેવાર છે. બંને કદાવર નેતા કોંગ્રેસના શત્રુઘ્ન સિન્હા અને ભાજપના રવિશંકર પ્રસાદ એક જ જાતિના છે. પરંતુ સ્થાનિય મતદારોનો એક મોટો વર્ગ તેને એક એવી ચૂંટણી રૂપે જોઇ રહ્યા છે. જેમાં રાજદ પ્રમુખ લાલૂ પ્રસાદનો પ્રભાવ અને મોદી ફેક્ટરની શાખ દાવ પર લાગી છે.
પટના સાહિબમાં ચાની દુકાન ધરાવતા સંતોષ યાદવનું કહેવું છે કે, 'ચૂંટણીનું તો એવું છે કે મતદાન બાદ જ કંઇ કહી શકીએ છીએ, પરંતુ આ સીટ પર ફૂલ(BJP) મજબૂત છે. આમ પણ લાલૂજી બિહારના નેતા છે અને મોદીજી દેશના. આ ટિપ્પણી ન માત્ર સંતોષની પરંતુ બાંકીપુર, કુમ્ભરારથી લઇને પટના સાહિબ સુધી એક મોટા વર્ગ પણ આમ માની રહ્યો છે.
બિહારની પટના સાહિબ દેશની એ સીટોમાંથી છે જ્યાં કાયસ્થ મતદાર નિર્ણાયક ભૂમિકામાં છે. ભાજપે આ સીટ પર પાર્ટીથી અસંતુષ્ટ શત્રુઘ્ન સિન્હાની ટિકિટ કાપી નાંખી છે અને તેમની જાતિના કેન્દ્રીય મંત્રી રવિશંકર પ્રસાદને ટિકિટ આપી છે. શત્રુઘ્ન સિન્હાએ ભાજપ છોડીને કોંગ્રેસમાં સામેલ થઇ ગયા છે. પટના સાહિબ પર સિન્હાને મહાગઠબંધનનું સમર્થન મળી રહ્યું છે. જેમાં લાલૂ પ્રસાદ યાદવની આગેવાની ધરાવતી રાજદ સામેલ છે.