સંસદમાં મહિલા સાંસદ સાથેની ગપસપનો વીડિયો વાયરલ થતા લોકોએ Memes બનાવી મજાક બનાવતા શશી થરૂરે ટ્વિટ કરીને કહ્યું કે, 'કુછ તો લોગ કહેંગે, લોગો કા કામ હૈ કહેના!.'
શશિ થરૂર અને NCP નેતા સુપ્રિયા સુલેનો વીડિયો વાયરલ
લોકસભામાં વાતચીતનો વીડિયો વાયરલ થતા લોકોએ બનાવ્યાં Memes
શશિ થરૂરે ટ્વિટ કરીને કહ્યું ''કુછ તો લોગ કહેંગે, લોગો કા કામ હૈ કહના!'
કોંગ્રેસના વરિષ્ઠ નેતા શશિ થરૂર અને NCP નેતા સુપ્રિયા સુલે સાથેની લોકસભામાં વાતચીતનો એક વીડિયો વાયરલ થઈ રહ્યો છે. આ વાયરલ વીડિયો પર અનેક લોકોએ Memes બનાવીને અવનવી કોમેન્ટો કરી હતી. જો કે, આ બાબતે શશિ થરૂરે ગુરુવારનાં રોજ સફાઇ આપતા કહ્યું હતું કે, 'તેઓ અને રાષ્ટ્રવાદી કોંગ્રેસ પાર્ટી (NCP) ના સાંસદ એક પ્રશ્ન પર ચર્ચા કરી રહ્યાં હતાં.'
તમને જણાવી દઇએ કે, આ વીડિયો લોકસભામાં મંગળવારનાં રોજ નિયમ 193 અંતર્ગત યુક્રેનની સ્થિતિ પર થયેલી ચર્ચાના સમયનો છે. વીડિયોમાં જોવા મળી રહ્યું છે કે, નેશનલ કોન્ફરન્સના નેતા ફારુક અબ્દુલ્લા ગૃહમાં બોલી રહ્યાં છે અને એ જ સમયે તેમની પાછળ બેઠેલા સુપ્રિયા સુલે અને શશિ થરૂર એકબીજા સાથે વાતચીત કરી રહ્યાં છે. જો કે, લોકો આ વીડિયો પર જાતજાતની રમૂજી કોમેન્ટો કરી રહ્યાં છે.
શશિ થરૂરે ટ્વિટ કરીને લખ્યું, 'કુછ તો લોગ કહેંગે, લોગો કા કામ હૈ કહના!'
ત્યાર બાદ થરૂરે હવે ટ્વિટ કરીને જણાવ્યું છે કે, "જે લોકો લોકસભામાં મારી અને સુપ્રિયા સુલે વચ્ચેની સંક્ષિપ્ત વાતચીતનો આનંદ લઈ રહ્યાં છે, તેઓને હું કહેવા માંગુ છું કે તેઓ મને નીતિ સંબંધિત એક પ્રશ્ન પૂછી રહ્યાં હતાં કારણ કે તેઓ આગામી સ્પીકર હતાં. તેઓ (સુપ્રિયા) ધીમા અવાજે બોલી રહ્યાં હતાં જેથી ફારુક સાહેબ (તે સમયના વક્તા) ને તકલીફ ન પડે. હું તેઓની (સુપ્રિયા) વાત સાંભળવા માટે નમ્યો હતો."
શશિ થરૂરે ફિલ્મ અમર પ્રેમના ગીતનો ઉલ્લેખ કરીને ટ્વિટ કર્યું
कुछ तो लोग कहेंगे, लोगों का काम है कहना
छोड़ो बेकार की बातों में कहीं बीत ना जाए रैना
कुछ तो लोग कहेंगे, लोगों का काम है कहना!
कुछ रीत जगत की ऐसी है, हर एक सुबह की शाम हुई
तू कौन है, तेरा नाम है क्या, सीता भी यहाँ बदनाम हुई
कुछ तो लोग कहेंगे, लोगों का काम है कहना! @supriya_sulehttps://t.co/X69vWB7j3u
ત્યાર બાદ શશિ થરૂરે ફિલ્મ અમર પ્રેમના ગીતનો ઉલ્લેખ કરીને ટ્વિટ કરીને લખ્યું હતું કે, "કુછ તો લોગ કહેંગે, લોગો કા કામ હૈ કહના, છોડો બેકાર કી બાતોમેં કહી બીત ના જાયે રૈના, કુછ તો લોગ કહેંગે, લોગો કા કામ હૈ કહના! કુછ રીત જગત કી ઐસી હે, હર એક સુબહ કી શામ હુઇ. તૂ કૌન હૈ, તૈરા નામ હૈ ક્યા, સીતા ભી યહાં બદનામ હુઇ. કુછ તો લોગ કહેંગે, લોગો કા કામ હૈ કહના!'' આ ગીત આનંદ બક્ષીએ લખ્યું છે અને કિશોર કુમારે ગાયું છે.