નિવેદન / 'BJP જેવું બનવાના ચક્કરમાં કોંગ્રેસ ઝીરો થઇ જશે', જાણો શશી થરૂરે કેમ આપ્યું આવું નિવેદન

• ભાજપ જેવું બનવાના પ્રયત્ન ન કરે કોંગ્રેસ પાર્ટી : થરુર 
• ભારતમાં ધર્મનિરપેક્ષતા ખતરામાં છે, ભાજપ આ શબ્દ બંધારણમાંથી હટાવી દેશે : થરુર 
• હિન્દુત્વના નરમ અથવા કટ્ટર કોઈ પણ રૂપનું સમર્થન નથી કરતા રાહુલ ગાંધી : થરુર 
• શશી થરૂરે હિન્દુત્વ અને હિન્દુવાદ વચ્ચે ભેદ જણાવ્યો, કહ્યું અમે હિન્દુવાદને સમર્થન કરીએ છે 

કોંગ્રેસના વરિષ્ઠ નેતા શશી થરૂરે કહ્યું કે કોંગ્રેસ પાર્ટી 'ભાજપ લાઈટ' ( ભાજપ જેવું ) બનવાનું જોખમ ઉઠાવી શકશે નહીં. કારણ કે તેના કારણે કોંગ્રેસના ઝીરો થઇ જવાનો ખતરો વધી જશે. તેમણે કહ્યું કે તેમની પાર્ટીના અંદર ભારતીય ધર્મનિરપેક્ષતાની ભાવના જીવંત છે. 

શું કહ્યું થરૂરે ? 

પૂર્વ કેન્દ્રીય મંત્રી શશીથરૂરે કહ્યું કે હું લાંબા સમયથી કહેતો આવ્યો છું કે પેપ્સી 'લાઈટ'ની જેમ 'ભાજપ લાઈટ' બનાવવાના કોઈ પણ પ્રયત્નના પરિણામ કોંગ્રેસ ઝીરો જ આવશે. કોંગ્રેસ કોઈ પણ પ્રકારે ભાજપ જેવી નથી અને અમારે આવા કોઈના કમજોર રૂપ બનાવની કોઈ જરૂર નથી. મારા વિચારથી અમે એવું કરી પણ નથી રહ્યા.  

કોંગ્રેસ નેતાએ કહ્યું કે ભારતમાં ધર્મનિરપેક્ષતા ખતરામાં છે તથા સત્તારૂઢ પાર્ટી આ શબ્દને બંધારણમાંથી હટાવી દેવાના પ્રયત્ન કરી શકે છે. નોંધનીય છે કે શશી પોતાના નવા પુસ્તકને લઈને એક ઇન્ટરવ્યુ આપી રહ્યા હતા જેમાં આ નિવેદન સામે આવ્યા છે. તેમણે એમ પણ કહ્યું કે જો ધર્મનિરપેક્ષતા શબ્દ હટાવી દેવામાં આવે છે તો પણ બંધારણ પોતાના મૂળ સ્વરૂપના કારણે ધર્મનિરપેક્ષ જ બની રહેશે. 

શશી થરૂરે એમ પણ કહ્યું કે કોંગ્રેસ હિન્દુવાદ અને હિન્દુત્વ વચ્ચેનો ભેદ જાણે છે અને અમે હિન્દુવાદનું સન્માન કરીએ છે. રાહુલ ગાંધી નરમ કે કટ્ટર કોઈ પણ પ્રકારના હિન્દુત્વનું સમર્થન કરતા નથી. 

શશી થરુર પોતાના નિવેદનોને લઈને હંમેશા ચર્ચામાં રહે છે ત્યારે ભારતના રાજકારણમાં શશી થરુરના આ નિવેદન બાદ ફરીથી ગરમાવો આવે તેવા એંધાણ છે. જોકે ઘણા રાજકીય પંડિતો એમ પણ કહી રહ્યા છે થરુરે આ નિવેદન આપીને કોંગ્રેસનાં જ અમુક નેતાઓને જ સંકેત આપ્યો છે.