ઝૂમે જો પઠાન ગીત પર વિરાટ કોહલી અને રવિન્દ્ર જાડેજાનો ડાન્સ જોઈને શાહરૂખ ખાન ચોંકી ગયા. જાણો તેમણે ટ્વિટર પર ક્રિકેટરોનો ડાન્સ જોઈને શું કહ્યું.
'ઝૂમે જો પઠાન' ગીત પર કોહલી અને જાડેજાએ કર્યો ડાન્સ
શાહરૂખ ખાન વિરાટ કોહલીના ડાન્સથી ઈમ્પ્રેસ થયા
વીડિયો સોશિયલ મીડિયામાં થયા વાયરલ
શાહરૂખ ખાન વિરાટ કોહલીના પઠાન ડાન્સથી ઈમ્પ્રેસ થયા
બોલીવુડના બાદશાહ શાહરૂખ ખાન વિરાટ કોહલીના પઠાન ડાન્સથી ઈમ્પ્રેસ થયા છે. શાહરૂખે વિરાટ અને જાડેજાનો ડાન્સ જોઈને કહ્યું છે કે તેમણે હવે આ બંને પાસેથી ડાન્સ શિખવો પડશે. વિરાટ કોહલી અને રવિન્દ્ર જાડેજા ઓસ્ટ્રેલિયા સામે નાગપુરમાં ટેસ્ટ મેચ જીત્યા બાદ બોલીવુડના ટ્રેંડિંગ સોન્ગ ઝૂમે જો પઠાણ પર ડાન્સ કરી રહ્યાં હતા, જેના વીડિયો સોશિયલ મીડિયામાં વાયરલ થયા.
વિરાટ-જાડેજાના ચાહક થયા શાહરૂખ
આ વીડિયો અંગે એક ટ્વિટર યુઝરે શાહરૂખ ખાનને કહ્યું કે પઠાન ડાન્સ અંગે અમુક શબ્દો કહો. શાહરૂખે પોતાના આસ્કએસઆરકે સેગમેન્ટ દરમ્યાન ટ્વિટર યુઝર્સના ટ્વિટને રિટ્વિટ કરતા કહ્યું, તેઓ મારાથી સારો ડાન્સ કરી રહ્યાં છે. મારે હવે વિરાટ અને જાડેજા પાસેથી શિખવુ પડશે. શાહરૂખના આ ટ્વિટ પર બોલીવુડ અને ક્રિકેટના પ્રશંસકોના સારા રિએક્શન આવી રહ્યાં છે. મહત્વનુ કે વિરાટ અને જાડેજા બંને જીતની ઉજવણી કરી રહ્યાં હતા અને ત્યારે મેદાન પર ઝૂમે જો પઠાણવાળુ ગીત ચાલ્યું. બસ, પછી શુ હતુ ! વિરાટ અને જાડેજા પણ ડાન્સ કરવા લાગ્યા.
They are doing it better than me!! Will have to learn it from Virat And Jadeja!!! https://t.co/q1aCmZByDu
જો કે, વિરાટ માટે અંગત રીતે નાગપુર ટેસ્ટ સારી ના રહી. તેમણે બેટીંગ દરમ્યાન 26 બોલમાં માત્ર 12 રન બનાવ્યાં અને ફીલ્ડિંગ દરમ્યાન તેના હાથમાંથી અનેક કેચ છૂટ્યા. પરંતુ જાડેજા માટે નાગપુર ટેસ્ટ ઘણી યાદગાર બની ગઇ. કારણકે તેમણે ધારદાર બોલિંગથી વિકેટ તો લીધી. આ ઉપરાંત 70 રનની મહત્વની ઈનિંગ રમી. જેના કારણે ટીમને એક સારી લીડ મળી.