આજે અઠવાડિયાના પહેલા જ દિવસે એટલે કે સોમવારે શેરબજારની શરૂઆત ખરાબ રહી હતી. આજે સેન્સેક્સ અને નિફ્ટીમાં બંને મોટા પાયે ગબડ્યા હતા.
સોમવારે શેરબજારની શરૂઆત ખરાબ
BSE ના 30 શેરનો સેન્સેક્સ 287.16 પોઈન્ટ અથવા 0.48 ટકાના ઘટ્યો
NSE નો નિફ્ટી પણ નબળો ખુલ્યો
આજે અઠવાડિયાના પહેલા જ દિવસે એટલે કે સોમવારે શેરબજારની શરૂઆત ખરાબ રહી હતી.
BSE ના 30 શેરનો સેન્સેક્સ 287.16 પોઈન્ટ અથવા 0.48 ટકાના ઘટાડા સાથે 59,348.85 પર ખૂલ્યો હતો, જ્યારે NSE નો નિફ્ટી પણ નબળો ખુલ્યો હતો.
લાલ નિશાન પર ખુલ્યા પછી, સેન્સેક્સ ટ્રેડિંગના ટૂંકા જ સમયમાં ભારે ગબડ્યો'તો અને 30-શેરનો સૂચકાંક 500 પોઈન્ટથી વધુ ઓછો થયો હતો. આ ઘટાડો અહીં અટક્યો નથી, 12 વાગ્યા સુધીમાં સેન્સેક્સ 890.65 પોઈન્ટ પડીને અને 59 હજારના સ્તરથી નીચે આવ્યો અને 58,745.36ના સ્તરે ટ્રેન્ડ થયો હતો.
નિફ્ટીમાં પણ જોરદાર ઘટાડો
નબળા ગ્લોબલ ઇન્ડિકેશન વચ્ચે BSE સેન્સેક્સ અને નિફ્ટીએ લાલ નિશાન પર ખુલ્યા બાદ ઘટાડો ચાલુ રહ્યો હતો. ત્રણ કલાકના ટ્રેડિંગ પછી સેન્સેક્સ 890.65 પોઈન્ટ અથવા 1.49 ટકા તૂટ્યો હતો. આ ઘટાડા સાથે તે 58,745.36 ના સ્તર પર ટ્રેન્ડ કરી રહ્યો હતો. જ્યારે નિફ્ટી પણ 250થી વધુ પોઈન્ટના ઘટાડા સાથે ટ્રેન્ડ કરી રહ્યો હતો.
નિફ્ટી 263.30 પોઈન્ટ અથવા 1.48 ટકા ઘટીને 17501.50 ના લેવલે પર છે. NSE નિફ્ટી માર્કેટ ખુલતાની સાથે જ 87.35 પોઈન્ટ્સ અથવા 0.49 ટકા ઘટીને 17,677.45 ના લેવલે હતો.
અગાઉ ગુરુવારે પણ ઘટ્યો હતો
ટ્રેડિંગના દિવસ ગુરુવારે પણ શેરબજાર ઘટાડા સાથે બંધ થયો હતો. ઘરેલુ શેર બજાર સાથે એશિયાઈ બજારમાં પણ ઘટાડો જોવા મળ્યો હતો. ગુરુવારે બીએસઇ ના 30 શેર ધરાવતા સેન્સેક્સ 372.32 અંકો સાથે ઘટીને 59,636.01 અને નિફ્ટી 133.85 પોઇન્ટ્સના ઘટાડા સાથે 17,764.80 પર બંધ થયો હતો.