ઋષિ કપૂરે તેમના અંતિમ દિવસોમાં પણ ફિલ્મોમાં અંતર જાળવ્યું ન હતુ. આ જ કારણ છે કે ઋષિ કપૂરના નિધનના દોઢ વર્ષ બાદ તેમની અંતિમ ફિલ્મ રીલીઝ માટે તૈયાર છે. આ ફિલ્મ શર્મા જી નમકીનનું ગીત લાલ ટમાટર સામે આવતા ધૂમ મચાવી રહ્યું છે. ફિલ્મના આ હાઈબીટ સોન્ગ પર ઋષિ કપૂર ડાન્સ કરી રહ્યાં છે. ફિલ્મનું નવુ ગીત લાલ ટમાટર એક હાઈબીટ સોન્ગ છે. સાંભળો આ ગીત
કનિકા કપૂરે આપ્યો છે સ્વર
ફિલ્મના નિર્માતાએ ઋષિ કપૂર ગયા બાદ બાકીની ફિલ્મ પરેશ રાવલ સાથે પૂર્ણ કરી છે. તેથી આ ગીતમાં પણ ઋષિની જગ્યાએ પરેશ રાવલ જોવા મળી રહ્યાં છે. ગીતમાં મુખ્ય પાત્ર શર્માજીના કુકિંગને લઇને સ્પષ્ટ ઝૂનુન જોવા મળી રહ્યું છે. આ ટ્રેક દ્વારા તમને શર્માજીના નમકીન વ્યક્તિત્વની ઝલક દેખાશે. જે નિવૃત્તિ બાદ તેના કુકિંગ શોખથી પ્રખ્યાત થાય છે. ઉલ્લેખનીય છે કે આ ગીત સ્નેહા ખાનવલકરર દ્વારા રચિત અને નિર્મિત છે. આ ગીત સ્નેહા અને કનિકા દ્વારા ગાવવામાં આવ્યું છે અને તેના બોલ ગોપાલ દત્તે લખેલા છે. શર્માજી નમકીનમાં જૂહી ચાવલા, સુહેલ નૈયર, તારક રૈના, સતીશ કૌશિક, શીબા ચડ્ઢા અને ઈશા તલવારની સાથે દિવંગત ઋષિ કપૂર અને પરેશ રાવલ સાથે ઘણા કલાકાર છે.