બિઝનેસ / શેર બજારમાં છેલ્લા 5 મહિનામાં આજે સૌથી મોટો કડાકો, રોકાણકારોના 7 હજાર કરોડ ધોવાયા

• શેર બજારમાં સતત 8માં દિવસે ઘટાડો
• પાંચ મહિનામાં આ સૌથી વધારે ઘટાડો 
• રોકાણકારોને 7000 કરોડનું નુક્સાન

સેન્સેક્સમાં 300 અંક ઘટીને બંધ થયો છે તો નિફ્ટી ઘટીને 17300ની નજીક પહોંચ્યું છે. આજે શેર બજારમાં 7000 કરોડનું નુક્સાન નોંધાયું છે. જો કે બ્રોડર માર્કેટમાં સ્થિતિ ઘણી સારી જોવા મળી રહી છે. BSEનું મિડકેપ અને સમોલકેપ બંને ઈન્ડેક્સ આશરે 0.5% તેજી સાથે બંધ થયું છે. 

સેંસેક્સ 326.23 અંક ઘટ્યો

આજનાં કારોબારમાં એનર્જી, હેલ્થકેર, આઈટી, ટેક અને ઓઈલ એન્ડ ગેસનાં શેરોમાં ઘટાડો નોંધાયો છે. તો રિયલ્ટી, ટેલીકોમ્યુનિકેશન અને યૂટિલિટી શેરોમાં તેજી જોવા મળી છે. આ ઊતાર-ચઢાવનાં માહોલમાં રોકાણકારોને આજે 7000 કરોડ રૂપિયાનું નુક્સાન થયું છે. ટ્રેડિંગનાં અંતમાં BSE સેંસેક્સ 326.23 અંક એટલે કે 0.55% ઘટીને 58,962.12 અંક પર બંધ થયું છે. તો NSEનું નિફ્ટી 88.77 અંક એટલે કે 0.51% ઘટીને 17,303.95નાં સ્તર પર બંધ થયું છે. 

રોકાણકારોને 1.92 લાખ કરોડનું નુક્સાન
BSEમાં લિસ્ટેડ કંપનીઓનું કુલ માર્કેટ કેપિટલાઈઝેશન આજે 257.81 લાખ કરોડ પર આવી ગયું છે જે સોમવારે 257.88 લાખ કરોડ રૂપિયા હતું. આ રીતે BSEમાં લિસ્ટેડ કંપનીઓનું માર્કેટ કેપ આજે આશરે 7000 કરોડ રૂપિયા ઘટ્યું છે. 

સેંસેક્સનાં આ 5 શેરોમાં તેજી
સેંસેક્સનાં 30માંથી 10 શેરોમાં આજે તેજી જોવા મળી છે. તેમાં એશિયન પેઈન્ટ્સનાં શેરોમાં સૌથી વધારે 3.03% તેજી જોવા મળી. ત્યારબાદ મહિન્દ્રા એન્ડ મહિન્દ્રા, પાવર ગ્રિડ, અલ્ટ્રાટેક સિમેન્ટ અને HDFCનાં શેરોમાં પણ સૌથી વધારે ઊછાળો જોવા મળ્યો અને તે આશરે 0.67%થી લઈને 1.79%ની તેજી સાથે બંધ થયો છે.