શેરબજાર / મહિનાના પહેલા જ દિવસે શેરમાર્કેટ ધડામ, સેન્સેક્સ 770 અને નિફ્ટી 216 પોઈન્ટ ગબડ્યો, રોકાણકારોમાં નિરાશા

• સપ્ટેમ્બર મહિનાના પહેલા જ દિવસે શેરમાર્કેટ ધડામ
• સેન્સેક્સ 770 અને નિફ્ટી 216 પોઈન્ટ ગબડ્યો
• વૈશ્વિક બજારોમાં ઘટાડાની અસર ભારતીય શેરબજારને 

ભારતીય શેરબજારના રોકાણકારો સપ્ટેમ્બરના પ્રથમ ટ્રેડિંગ દિવસ ખૂબ જ નિરાશાજનક રહ્યો છે. વૈશ્વિક બજારોમાં ઘટાડાને કારણે ભારતીય શેરબજાર સવારે પ્રૉફિટ બુકિંગના કારણે ભારે ઘટાડા સાથે ખુલ્યું અને ઘટાડાનો દોર દિવસભર ચાલુ રહ્યો હતો. ગુરુવારના ટ્રેડિંગ સેશનના અંતે મુંબઈ સ્ટોક એક્સચેન્જનો સેન્સેક્સ 770 પોઈન્ટ ઘટીને 58,766 પર અને નેશનલ સ્ટોક એક્સચેન્જનો નિફ્ટી 216 પોઈન્ટના ઘટાડા સાથે 17,542 પોઈન્ટ પર બંધ થયો હતો.

મહિનાના પહેલા જ દિવસે શેરમાર્કેટમાં મોટો ઘટાડો જોવા મળ્યો છે.  આજે માર્કેમાં સેન્સેક્સ 770 અને નિફ્ટી 216 પોઈન્ટ ગબડ્યો હતો. આ તરફ બજારમાં મોટા ભાગના સેક્ટરના શેરમાં ઘટાડો નોંધાયો હતો. ઓટો, રિયલ એસ્ટેટ સેક્ટર માત્ર લીલા નિશાનમાં બંધ થયા. બીજી તરફ કન્ઝ્યુમર ડ્યુરેબલ્સ સિવાય આઈટી, બેન્કિંગ, ફાર્મા, એફએમસીજી, એનર્જી, મેટલ્સ, ઓઈલ એન્ડ ગેસ, મીડિયા સેક્ટરના શેરોમાં વેચવાલી જોવા મળી હતી. 

Sensex tanks 770.48 points to end at 58,766.59; Nifty falls 216.50 points to 17,542.80

— Press Trust of India (@PTI_News) September 1, 2022

આ સાથે મિડકેપ અને સ્મોલ કેપ શેરોના સૂચકાંકો લીલા નિશાનમાં બંધ થયા છે. નિફ્ટીના 50 શેરોમાંથી 12 શેર લીલા નિશાનમાં બંધ થયા હતા, જ્યારે 38 શેરમાં ઘટાડો જોવા મળ્યો હતો. તો સેન્સેક્સના 30 શેરોમાંથી માત્ર 7 શેર લીલા નિશાનમાં બંધ થયા હતા, 23 લાલ નિશાનમાં બંધ થયા હતા. બેન્ક નિફ્ટીના તમામ 12માંથી 7 શેર લાલ નિશાનમાં અને 5 લીલા નિશાનમાં બંધ થયા છે.