બિઝનેસ / 5 વર્ષમાં 8200 ટકા ચઢી ગયો આ કંપનીનો શેર, રોકાણકારો પર પૈસાનો વરસાદ

ટ્રાન્સફોર્મર મેન્યુફેક્ચરિંગ કંપની ટ્રાન્સફોર્મર્સ એન્ડ રેક્ટિફાયર્સનો ચોખ્ખો નફો સપ્ટેમ્બર 2024 ક્વાર્ટરમાં 2731% વધીને રૂ. 45.3 કરોડ થયો છે. ગયા નાણાકીય વર્ષના સમાન સમયગાળામાં કંપનીનો નફો રૂ. 1.6 કરોડ હતો.

ટ્રાન્સફોર્મર્સનું ઉત્પાદન કરતી જાયન્ટ કંપની ટ્રાન્સફોર્મર્સ એન્ડ રેક્ટિફાયર્સને તગડો નફો થયો છે. ચાલુ નાણાકીય વર્ષના બીજા ક્વાર્ટરમાં કંપનીનો નફો વાર્ષિક ધોરણે 2731% વધીને 45.3 કરોડ રૂપિયા થઈ ગયો છે. ગયા નાણાકીય વર્ષના સમાન સમયગાળામાં ટ્રાન્સફોર્મર્સ એન્ડ રેક્ટિફાયરનો ચોખ્ખો નફો રૂ. 1.6 કરોડ હતો. બોમ્બે સ્ટોક એક્સચેન્જમાં મંગળવારે કંપનીના શેર 5 ટકાના અપર સર્કિટ સાથે રૂ. 672.15 પર પહોંચ્યા હતા. છેલ્લા 5 વર્ષમાં કંપનીના શેરમાં 8200% થી વધુનો વધારો જોવા મળ્યો છે.

કંપનીની આવકમાં 79%નો વધારો

વર્તમાન નાણાકીય વર્ષના સપ્ટેમ્બર ક્વાર્ટરમાં ટ્રાન્સફોર્મર્સ અને રેક્ટિફાયર્સની આવક 79.4% વધીને રૂ. 461 કરોડ થઈ છે. ગયા નાણાકીય વર્ષના સમાન સમયગાળામાં કંપનીની આવક રૂ. 257 કરોડ હતી. સપ્ટેમ્બર 2024 ક્વાર્ટરમાં ટ્રાન્સફોર્મર્સ અને રેક્ટિફાયર્સની અન્ય આવકમાં પણ નોંધપાત્ર ઉછાળો આવ્યો છે. ચાલુ નાણાકીય વર્ષના સપ્ટેમ્બર ક્વાર્ટરમાં કંપનીની અન્ય આવક રૂ. 11.8 કરોડ હતી, જે ગયા વર્ષના સમાન ગાળામાં રૂ. 1.1 કરોડ હતી. ઓપરેટિંગ સ્તરે સપ્ટેમ્બર ક્વાર્ટરમાં કંપનીનો ઇબિટ્ડા રૂ. 68 કરોડ હતો, જે ગયા નાણાકીય વર્ષના સમાન સમયગાળામાં રૂ. 19 કરોડથી વધુ હતો.

કંપનીના શેર 5 વર્ષમાં 8200% થી વધુ વધ્યા

છેલ્લા 5 વર્ષમાં ટ્રાન્સફોર્મર્સ અને રેક્ટિફાયર્સના શેરમાં 8260%નો ઉછાળો આવ્યો છે. 11 ઓક્ટોબર, 2019ના કંપનીના શેર રૂ. 8.04 પર હતા. ટ્રાન્સફોર્મર્સ અને રેક્ટિફાયર્સના શેર 8 ઓક્ટોબર 2024ના રૂ. 672.15 પર બંધ થયા હતા. છેલ્લા 4 વર્ષમાં કંપનીના શેરમાં 6908% નો વધારો થયો છે. 9 ઓક્ટોબર 2020ના રોજ કંપનીના શેર રૂ. 9.59 પર હતા. કંપનીના શેર 8 ઓક્ટોબર 2024ના રૂ. 670ને પાર કરી ગયા છે. કંપનીના શેરનું 52 સપ્તાહનું ઉચ્ચ સ્તર 845.70 રૂપિયા છે. તેમજ કંપનીના શેરનું 52 સપ્તાહનું નીચલું સ્તર 142.10 રૂપિયા છે.

આ પણ વાંચોઃ ચૂંટણી પરિણામ જોતાં શેર બજારની રોનક પરત ફરી, સેન્સેક્સ નિફ્ટી મોટા ઉછાળા સાથે બંધ

કંપનીના શેર એક વર્ષમાં 305% વધ્યા

છેલ્લા એક વર્ષમાં ટ્રાન્સફોર્મર્સ અને રેક્ટિફાયર્સના શેરમાં 305%નો ઉછાળો આવ્યો છે. 9 ઓક્ટોબર 2023ના કંપનીના શેર રૂ. 166.05 પર હતા. ટ્રાન્સફોર્મર્સ અને રેક્ટિફાયર્સના શેર 8 ઓક્ટોબર 2024ના રૂ. 672.15 પર પહોંચી ગયા છે. આ વર્ષે અત્યાર સુધીમાં કંપનીના શેરમાં 181%નો વધારો થયો છે. આ વર્ષની શરૂઆતમાં 1 જાન્યુઆરી 2024 ના કંપનીના શેર રૂ. 238.70 પર હતા, જે 8 ઓક્ટોબર 2024ના રૂ. 672.15 પર પહોંચી ગયા હતા.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ