ભારતમાં શેર માર્કેટ ઐતિહાસિક તેજી આવી ગઈ હતી. સેન્સેક્સ પહેલી વાર 60 હજારને પાર પહોંચી ગયો હતો.
ભારતના સ્થાનિક શેર માર્કેટમાં જોરદાર તેજોનો માહોલ છે. આજે 24 સપ્ટેમ્બરે ભારતીય શેર બજારે નવો જ ઇતિહાસ રચી દીધો છે. બોમ્બે સ્ટોક એક્સ્ચેન્જના ઈન્ડેક્ષ એટલે કે સેન્સેક્સ આજે પ્રથમ વખત 60,000 ઉપર પહોંચી ગયો હતો.
રિલાયન્સ અને ઈન્ફોસિસના શેરમાં તેજી
વૈશ્વિક બજારોમાં મજબૂતી વચ્ચે આજે ઈન્ફોસિસ અને રિલાયન્સના શર્મા તેજીથી થઈ રહેલો વધારો આખરે માર્કેટમાં તેજી લઈ આવ્યો હતો.
નિફ્ટી પણ નવી ઊંચાઈએ
નિફ્ટી પણ તેના કારણે 17,9000 ઉપર પહોંચી ગયો હતો. ઓપનિંગ સેન્સેક્સ 325.71 પોઈન્ટ સાથે 0.54% તેજીથી 60,211 ના લેવલે પહોંચી ગયો હતો. નિફટીમાં 93.30 અંકો એટલે કે 0.52% જેટલા વધારા સાથે 17,916 જેટલો થઈ ગયો હતો.
આ કારણોસર તેજી
ફેડરલ રિઝર્વ, અમેરિકાની કેન્દ્રીય બેંકના નિર્ણયો આવ્યા છે. ફેડરલ રિઝર્વે વ્યાજ દરોમાં કોઈ ફેરફાર કર્યો નથી પણ આવનારા દિવસોમાં કાપ મૂકવાનો પણ સંકેત આપ્યો છે. આઈપીઓ માર્કેટ પણ સારું કરી રહ્યું છે. તેનાથી રોકાણકારોનો ઉત્સાહ વધ્યો છે. કંપનીઓ બીજા ક્વાર્ટરમાં સારા પરિણામની અપેક્ષા રાખી રહી છે. કોરોના વાયરસ મહામારીના બે મોજાનો સામનો કરી રહેલી દેશની અર્થવ્યવસ્થા મજબૂતી સાથે પાટા પર આવી રહી છે. સરકાર ઉદ્યોગોને સતત ટેકો આપી રહી છે. નાણાકીય વર્ષ 2021-22ના પ્રથમ ક્વાર્ટરમાં જીડીપી વૃદ્ધિ દર 20.1 ટકા હતો. તો સામે રસીકરણને કારણે રોકાણકારોમાં કોરોનાનો ડર સમાપ્ત થયો હોય તેવું લાગે છે. આ તમામ પરિબળોએ બજારને અસર કરી હતી.
મોટા શેરોની સ્થિતિ
મોટા શેરોની વાત કરીએ તો, આજે વહેલા કારોબાર દરમિયાન, ઇન્ફોસીસ, એચસીએલ ટેક, ઇન્ડસઇન્ડ બેંક, એશિયન પેઇન્ટ્સ, એલ એન્ડ ટી, ટેક મહિન્દ્રા, ટીસીએસ, એચડીએફસી બેંક, કોટક બેંક, પાવર ગ્રીડ, આઇસીઆઇસીઆઇ બેંક, ભારતી એરટેલ, સન ફાર્મા, મારુતિના શેર , ડોક રેડ્ડી, આઈટીસી, રિલાયન્સ, બજાજ ઓટો, એચડીએફસી, એસબીઆઈ, બજાજ ફિનસર્વ, નેસ્લે ઈન્ડિયા, એમએન્ડએમ, એક્સિસ બેંક અને બજાજ ફાઈનાન્સ લીલા નિશાન પર ખુલ્યા. બીજી બાજુ, ટાટા સ્ટીલ, એનટીપીસી, હિન્દુસ્તાન યુનિલિવર, અલ્ટ્રાટેક સિમેન્ટ અને ટાઇટનના શેર અને લાલ નિશાન પર ખુલ્યા.
પૂર્વ-ઓપન દરમિયાન શેરબજારની આ સ્થિતિ હતી
પ્રી-ઓપન દરમિયાન, સેન્સેક્સ સવારે 9.01 વાગ્યે 60,131.70 ના સ્તરે 246.34 પોઇન્ટ (0.41 ટકા) ઉપર હતો. જ્યારે નિફ્ટી 93.70 પોઇન્ટ (0.53 ટકા) વધીને 17,916.70 પર હતો.
ગુરુવારે સેન્સેક્સ-નિફ્ટી લીલા નિશાન પર ખુલ્યા
શેરબજાર ગુરુવારે લીલા નિશાન પર ખુલ્યું. સેન્સેક્સ 351.37 પોઇન્ટ અથવા 0.60 ટકાના વધારા સાથે 59,278.70 પર ખુલ્યો. તે જ સમયે, નિફ્ટી 115.10 પોઇન્ટ (0.66 ટકા) ના વધારા સાથે 17,661.80 પર ખુલ્યો. જે બાદ બજારમાં તેજી ચાલુ રહી હતી.
છેલ્લા સત્રમાં બજાર રેકોર્ડ સપાટીએ બંધ થયું હતું
અગાઉના સત્રમાં શેરબજાર એક દિવસની વોલેટિલિટી બાદ વિક્રમી સપાટીએ બંધ થયું હતું. સેન્સેક્સ 958.03 પોઇન્ટ (1.63 ટકા) ના વધારા સાથે 59,885.36 પર બંધ થયો. બીજી બાજુ, નિફ્ટી 276.30 અંક (1.57 ટકા) ના વધારા સાથે 17,822.95 પર બંધ થયો. ટ્રેડિંગ દરમિયાન સેન્સેક્સ 17,822.95 અને નિફ્ટી 17,843.90 ને સ્પર્શ્યો હતો.