રાહત / શેરબજારમાં સકારાત્મક માહોલ, સેન્સેક્સમાં આવ્યો 700 પોઈન્ટનો ઉછાળો

• શેરબજારમાં સકારાત્મક માહોલ
• સેન્સેક્સમાં 700 પોઇન્ટનો ઉછાળો
• તમામ સેક્ટરમાં ઉછાળો

Sensex at 38,991.13, up by 693.84 points. pic.twitter.com/lTuumcSi7I

— ANI (@ANI) March 2, 2020

સપ્તાહના પ્રથમ ટ્રેડિંગ દિવસે એટલે કે સોમવારે શેરબજાર મજબૂત લીડ સાથે ખુલ્યું હતું. બોમ્બે સ્ટોક એક્સચેંજનો મુખ્ય સૂચકાંક સેન્સેક્સ 704.47 અંક એટલે કે 1.84 ટકાના વધારા પછી 39,001.76 પર ખુલ્યો છે. જ્યારે નેશનલ સ્ટોક એક્સચેંજનો નિફ્ટી 213.70 પોઇન્ટ એટલે કે 1.91 ટકા વધીને 11,415.45 ના સ્તર પર ખુલ્યો છે. અગાઉ બજાર સતત છ કારોબાર દિવસમાં ઘટાડો કરી રહ્યું હતું.

આવી રહી પ્રમુખ શેરોની સ્થિતિ

પ્રમુખ શેરની વાત કરીએ તો આજે ICICI બેંક, વેદાંત લિમિટેડ, BPCL, JSW સ્ટીલ, બજાજ ફાઇનાન્સ, ટાટા મોટર્સ, SBI, એનટીપીસી અને કોલ ઈન્ડિયા ગ્રીન ઝોનમાં ખુલ્યા છે. ફક્ત એમ એન્ડ એમના શેર લાલ નિશાન પર બંધ થયા છે.

સેકટોરિયલ ઈન્ડેક્સ પર નજર

સેક્ટોરિયલ ઈન્ડેક્સ પર નજર કરીએ તો આજે દરેક શેર ગ્રીન ઝોનમાં ખૂલ્યા છે. તેમાં પીએસયૂ બેંક, આઈટી, ફાર્મા, પ્રાઈવેટ બેંક, ઓટો, રિયલ્ટી, મીડિયા, એફએમસીજી અને મેટલ સામેલ છે. 

પ્રી ઓપન સમયે આવી રહી શેર માર્કેટની સ્થિતિ

પ્રી ઓપન સમયે સવારે 9.11ના સમયે શેર માર્કેટ ગ્રીન ઝોનમાં હતું. સેન્સેક્સ 613.66 અંક એટલે કે 1. 60 ટકાના વધારા બાદ 38,910.95ના સ્તરે રહ્યો. જ્યારે નિફ્ટી 185.60 અંક એટલે કે 1.66ના વધારા બાદ 11,387.35ના સ્તરે રહ્યું.

ડોલરની સરખામણીએ 72.07ના સ્તરે ખૂલ્યો રૂપિયો

ડોલરની સરખામણીએ આજે રૂપિયો 10 પૈસાના વધારા બાદ 72.07ના સ્તરે ખૂલ્યો હતો. છેલ્લા કારોબારી દિવસે ડોલરની સરખામણીએ રૂપિયો 72.17ના સ્તરે બંધ થયો હતો. 

શુક્રવારે રેડ ઝોનમાં બંધ થયું હતુ માર્કેટ

શુક્રવારે દિવસભરના કારોબાર બાદ શેરમાર્કેટમાં મોટો ઘટાડો જોવા મળ્યો હતો. સેન્સેક્સ 1448.37 અંક એટલે કે 3.64 ટકાના ઘટાડા બાદ 38.297.29ના સ્તરે બંધ થયો હતો. જ્યારે નિફ્ટી 414.10 અંક એટલે કે 3.56 ટકાના ઘટાડા બાદ 11, 219.20ના સ્તરે બંધ થયો હતો.