અઠવાડિયાના પહેલા કારોબારી દિવસે એટલે કે સોમવારે શેરબજારમાં કડાકો જોવા મળ્યો હતો. અમેરિકા ઈરાન વચ્ચેના તણાવને લઈને આ કડાકો જોવા મળ્યો છે. સેન્સેક્સમાં 448 પોઇન્ટ અને નિફ્ટી 138 પોઇન્ટના ઘટાડા સાથે ખૂલ્યો હતો.
સવારે 9.28 મિનિટે 377.01 અંક એટેલે કે 0.91 ટકાના ઘટાડાની સાથે 41,087.60ના સ્તરે કારોબાર શરૂ થયો હતો. જ્યારે નિફ્ટી 108.30 અંક એટલે કે 0.89 ટકાના ઘટાડાની સાથે 12,118.35ના સ્તરે ખૂલ્યો હતો.
150 અંકના ઘટાડા સાથે ખૂલ્યો સેન્સેક્સ
શરૂઆતના સમયમાં સેન્સેક્સ 151.39 અંક એટલે કે 0.37 ટકાના ઘટાડા સાથે 41,313.22ના સ્તરે ખૂલ્યો હતો. જ્યારે નિપ્ટી 63.50 અંક સાથે એટલે કે 0.52 ટકાના ઘટાડાની સાથે 12,163.60 અંકે ખૂલ્યો હતો.
આ કારણે થયો ઘટાડો
અમેરિકી સેના દ્વારા ઈરાનના બાહુબલી જનરલ કાસિમ સુલેમાનીને મારી દેવામાં આવ્યા બાદ ઈરાન અને અમેરિકાની વચ્ચે સ્થિતિ વણસી છે. તેની અસર શેરબજાર પર પડી છે. ઓઈલ માર્કેટિંગ કંપનીઓના શેરમાં ઘટાડો જોવા મળ્યો છે. ઈરાનની તરફથી જવાબી કાર્યવાહીથી બજારમાં ઉતાર ચઢાવનું જોખમ છે.
આવી રહી પ્રમુખ શેરોની સ્થિતિ
પ્રમુખ શેરોની વાત કરીએ તો ટાઈટન, અદાણી પોર્ટ, ટીસીએસ, ઓએનજીસી, જી લિમિટેડ, ઈન્ફોસિસ અને ભારતી એરટેલના શેર ગ્રીન ઝોનમાં ખૂલ્યા હતા. જ્યારે પાવર ગ્રિડ, એશિયન પેન્ટ્સ, કોલ ઈન્ડિયા, મારુતિ, એચડીએફસી, બીપીસીએલ અને એમએન્ડએમ સહિત નેસ્લે ઈન્ડિયાના શેર લાલ ઝોનમાં ખૂલ્યા.
સેક્ટોરિયલ ઈન્ડેક્સ પર નજર
સેક્ટોરિયલ ઈન્ડેક્સ પર નજર કરીએ તો આજે આઈટીના મોટાભાગના સેક્ટર્સ લાલ ઝોનમાં ખૂલ્યા, તેમાં એફએમસીજી, ફાર્મા, પીએસયૂ બેંક, ઓટો, રિયલ્ટી, મેટલ, મીડિયા અને પ્રાઈવેટ બેંક સામેલ છે.
પ્રીઓપન સમયે આવા રહ્યા શેર માર્કેટના હાલ
પ્રી ઓપનના સમયે સવારે 9.10 વાગે શેરમાર્કેટ લાલ ઝોનમાં ખૂલ્યું. સેન્સેક્સ 86.27 અંક એટલે કે 0.21 ટકાના ઘટાડાની સાથે 41,378.34ના સ્તરે ખૂલ્યું. જ્યારે નિફ્ટી 56.05 અંક સાથે એટલે કે 0.46 ટકાના ઘટાડા સાથે 12,170.60ના સ્તરે ખૂલ્યું હતું.
72.01ના સ્તરે ખૂલ્યો રૂપિયો
ડોલરની સરખામણીએ આજે રૂપિયામાં 21 પૈસાનો ઘટાડો થયો છે. છેલ્લા કારોબારી દિવસે ડોલરની સરખામણીએ રૂપિયો 71.80ના સ્તરે બંધ થયો હતો.
શુક્રવારે લાલ ઝોનમાં ખૂલ્યું હતું શેરમાર્કેટ
શુક્રવારે શેર બજાર લાલ નિશાન પર ખૂલ્યું હતું. સેન્સેક્સ 61. 36 અંક એટલે કે 0.15 ટકાના ઘટાડાની સાથે 41,565.28ના અંકે ખૂલ્યો. જ્યારે નિફ્ટી 35.95 અંક એટલે કે 0.29 ટકાના ઘટાડા બાદ 12,246.25ના સ્તરે ખૂલ્યો હતો.