અઠવાડિયાના પહેલા કારોબારી દિવસે એટલે કે સોમવારે શેર બજાર ગ્રીન ઝોનમાં ખૂલ્યું હતું. બોમ્બે સ્ટોક એક્સચેન્જનો પ્રમુખ ઈન્ડેક્સ સેન્સેક્સ 128.86 અંકના વધારા બાદ 41,728.58ની સ્તરે ખૂલ્યું હતું. જ્યારે નેશનલ સ્ટોક એક્સચેન્જનો નિફ્ટી 46.55 અંક એટલે કે 0.38 ટકાના વધારાની સાથે 12, 303. 35ના સ્તરે ખૂલ્યો હતો. આ સમયે ઈન્ફોસીસના શેરમાં વધારો જોવા મળી રહ્યો છે.
સોમવારે શેરબજાર ગ્રીન ઝોનમાં ખૂલ્યું
સેન્સેક્સ 128.86 અંકના વધારા બાદ 41,728.58ની સ્તરે ખૂલ્યું
ડોલરની સરખામણીએ આજે રૂપિયો 15 પૈસાના વધારા સાથે ખૂલ્યું
આવી રહી પ્રમુખ શેરોની સ્થિતિ
મોટા શેરોની વાત કરીએ તો ટાટા સ્ટીલ, ઈન્ડસઇન્ડ બેંક, સન ફાર્મા, ઇન્ફ્રાટેલ, બજાજ ફાઇનાન્સ, ભારતી એરટેલ, એચસીએલ ટેક, કોટક મહિન્દ્રા બેંક અને એસબીઆઈના શેર ગ્રીન નિશાન પર ખુલ્યા છે. યસ બેન્ક, ટાટા મોટર્સ અને ટીસીએસના શેર રેડ માર્ક પર ખુલ્યા છે.
ઈન્ફોસીસના શેરમાં વધારો
દેશની અન્ય મોટી સૂચના ઓદ્યોગિકી કંપની ઇન્ફોસીસના શેરમાં વધારો જોવા મળ્યો છે. 760ના સ્તરે ખૂલ્યા બાદ સવારે 10 વાગે તેમાં 29.35 અંક એટલે કે 3.98 ટકાનો વધારો જોવા મળ્યો. છેવટે તે 767.50ના સ્તરે પહોંચ્યો છે. છેલ્લા કારોબારી દિવસે તે 738.15 ના સ્તરે બંધ થયો છે. શુક્રવારે, ઇન્ફોસિસે ડિસેમ્બર 2019 ના રોજ પૂરા થયેલા ક્વાર્ટરના પરિણામો જાહેર કર્યા, જેના કારણે તેમાં વધારો જોવા મળી રહ્યો છે. આ સમયગાળા દરમિયાન, કંપનીએ 23,7 ટકા વધીને 4,466 કરોડ રૂપિયાનો નફો નોંધાવ્યો હતો. એક વર્ષ પહેલા આ જ ક્વાર્ટરમાં કંપનીને 3,610 કરોડ રૂપિયાનો નફો થયો હતો. ઓક્ટોબર-ડિસેમ્બર, 2019 ના ક્વાર્ટરમાં કંપનીની આવક 7.9 ટકા વધીને રૂ 23,092 કરોડ થઈ છે, જે ગયા વર્ષના સમાન ગાળામાં રૂ .21,400 કરોડ હતી.
સેક્ટોરિયલ ઈન્ડેક્સ પર નજર
સેક્ટોરિયલ ઈન્ડેક્સ પર નજર કરીએ તો આજે દરેક સેક્ટર્સ ગ્રીન ઝોનમાં ખૂલ્યા છે. તેમાં એફએમસીજી, ફાર્મા, પીએસયૂ બેંક, આઈટી, ઓટો, રિયલ્ટી, મેટલ, મીડિયા અને પ્રાઈવેટ બેંક સામેલ છે.
પ્રી ઓપન સમયે આવી રહી શેર માર્કેટની સ્થિતિ
પ્રી ઓપન સમયે સવારે 9.11 સમયે શેર માર્કેટ ગ્રીન ઝોનમાં ખૂલ્યું, સેન્સેક્સ 188.49 અંક એટલે કે 0.45 ટકાના વધારાની સાથે 41,788.21ના સ્તરે ખૂલ્યો હતો. જ્યારે નિફ્ટી 39.90 અંક એટલે કે 0.33 ટકાના વધારા બાદ 12,269.70ના સ્તરે ખૂલ્યો હતો.
70.79ના સ્તરે ખૂલ્યો રૂપિયો
ડોલરની સરખામણીએ આજે રૂપિયો 15 પૈસાના વધારાની સાથે 70.79ના સ્તરે ખૂલ્યો, છેલ્લા કારોબારી દિવસે રૂપિયો 70.94ના સ્તરે બંધ થયો હતો.
આ અઠવાડિયે આ બાબતોથી પ્રભાવિત થયું બજાર
ગયા અઠવાડિયે યુએસ અને ઈરાન વચ્ચેના તનાવમાં નોંધપાત્ર અસર જોવા મળી હતી, ત્યારે કંપનીઓના ત્રિમાસિક પરિણામો, ફુગાવાના ડેટા અને યુએસ-ચીન દ્વારા કરવામાં આવતા સમજૂતીના કરાર આ અઠવાડિયે શેરબજાર સેટ કરે તેવી અપેક્ષા છે. વિશ્લેષકોએ આ અપેક્ષા વ્યક્ત કરી છે.
શુક્રવારે 41,599.72ના સ્તરે બંધ થયું હતું સેન્સેક્સ
શુક્રવારે પણ કારોબારના બાદ શેરબજાર ગ્રીન ઝોન સાથે બંધ થયું હતું. સેન્સેક્સ 147.37 અંક એટલે કે 0.36 ટકાના વધારા બાદ 41,599.72ના સ્તરે બંધ થયો હતો. તો નિફ્ટી 40.90 અંક એટલે કે 0.33 ટકાના વધારા સાથે 12,256.80ના સ્તરે બંધ થયો હતો.