અઠવાડિયાના ત્રીજા દિવસ બુધવારે સેન્સેક્સ-નિફ્ટી રેકોર્ટબ્રેક ઊંચાઇ સાથે ખુલ્યો. બોમ્બે સ્ટોક એક્સચેન્જનો સેન્સક્સ 310 અંકના ઉછાળા સાથે 46,573 પર ખુલ્યો જ્યારે નેશનલ સ્ટોક એક્સચેન્જ નિફ્ટી 96 અંકના ઉછાળા સાથે 13,663.10 ખુલ્યો.
શૅરબજાર ઐતિહાસિક ઊંચાઈ પર
બર્ગર કિંગના શૅરમાં સતત બીજા દિવસ અપર સર્કિટ
ડોલર સામે રૂપિયો બન્યો મજબૂત
કારોબારના અંતે સેન્સેક્સ 403.29 અંકોની તેજીની સાથે 46,666.46 પર બંધ થયો. આ પ્રકારે નિફ્ટી 114.85 અંકોની તેજી સાથે 13,682.70 પર બંધ થયો. તમામ સેક્ટરમાં ખરીદી જોવા મળી રહી છે. ખાસ કરીને રિયલ એસ્ટેટ, ઓટો, આઇટી અને મેટલ શેરની ખરીદી ખાસ રહી.
ઐતિહાસિક ઊંચાઇ
સકારાત્મક આંતરરાષ્ટ્રીય સંકેતોને કારણે બજારમાં તેજી જોવી મળી રહી છે. સવારે સિંગાપોરના એસજીએક્સ નિફ્ટીમાં 90 પોઇન્ટનો ઉછાળો જોવા મળ્યો. કારોબાર દરમિયાન સેન્સેક્સ 46,704.97 ની નવી ઐતિહાસિક સપાટીએ પહોંચ્યો હતો, તે જ રીતે નિફ્ટી રેકોર્ડ 13,692.35 ની ઉચ્ચ સપાટીએ પહોંચ્યો હતો.
કયા શેરોમાં જોવા મળી તેજી?
નિફ્ટીના અગ્રણી શેરોમાં ONGC, હિંડાલ્કો, ભારતી એરટેલ, ડીવીઝ લેબ્સનો સમાવેશ થાય છે. જ્યારે ઘટાડાના મુખ્ય શેરોમાં ઇન્ડસઇન્ડ બેન્ક, ICICI બેંક, અલ્ટ્રેટેક સિમેન્ટ, બજાજ ફિનસવર, ગેઇલ હતા.
બર્ગર કિંગમાં 20%ની અપર સર્કિટ
એશિયન પેઇન્ટ્સ, બજાજ ફાઇનાન્સ, કોટક મહિન્દ્રા બેંક, ટાઇટન જેવા કેટલાક શેરો બીએસઈ પર 52 અઠવાડિયાની ટોચે પહોંચ્યા હતા. બર્ગર કિંગ સહિત લગભગ 300 શેરોમાં અપર સર્કિટ ગોઠવવી પડી હતી. આજે પણ બર્ગર કિંગમાં 20 ટકા એક ઉચ્ચ સર્કિટ છે. તે બુધવારે 199 રૂપિયામાં પહોંચી ગઈ છે. મંગળવારે પણ તેમાં 20 ટકાનો અપર સર્કિટ મૂકવામાં આવ્યો હતો.
આજના માર્કેટની સ્થિતિ
રૂપિયાની સ્થિતિ મજબૂત
બુધવારે રૂપિયો શરૂઆતના વેપારમાં થોડી મજબૂત જોવા મળ્યો હતો. આજે ડોલર સામે રૂપિયો 17 પૈસાની મજબૂતી સાથે 73.47 ના સ્તરે ખુલ્યો છે. તે મંગળવારે 73.64 રૂપિયા પર બંધ રહ્યો હતો. રૂપિયો છેલ્લે 73.58 ની સપાટીએ બંધ રહ્યો છે.