શેર બજાર / માર્કેટમાં મોટી ઊલટસૂલટ: સેન્સેક્સમાં 1200 પોઈન્ટનું ગાબડું, નિફ્ટીના હાલ બેહાલ, રોકાણકારોનું ટૅન્શન વધ્યું

• સેન્સેક્સ બજાર ખુલવા પર લગભગ 720 અંક ઘટીને 58,075.93 અંક પર ખુલ્યુ
• નેશનલ સ્ટોક એક્સચેન્જની યાદીમાં નિફ્ટીની સ્થિતિ ઘણી ખરાબ રહી. 
• બજારમાં ઘટાડાની વચ્ચે ટારસન્સ પ્રોડક્ટ્સના શેર 5.74 ટકા પ્રીમિયમની સાથે લિસ્ટ

 નેશનલ સ્ટોક એક્સચેન્જની નિફ્ટીની સ્થિતિ પણ કમોબેશ એવી જ રહી. તેમનું એક  મોટું કારણ દુનિયામાં અનેક ભાગોમાં કોરોનાનો કેર ફરી વધવા લાગ્યો છે અને આનાથી આશંકિત રોકાણકાર ઘણા સંકોચાયેલા નજરે આવી રહ્યા છે. સેન્સેક્સ અને નિફ્ટી બન્ને પર દવા કંપનીઓના શેર ગ્રીન ઝોનમાં રહ્યા. જ્યારે ઓટો મોબાઈલ, સ્ટીલ, ફાઈનાન્સ અને ઉર્જા સેક્ટર સાથે જોડાયેલી કંપનીઓના શેરમાં ભારે ઘટાડો જારી છે.

સેન્સેક્સમાં ભારે ઘટાડો

શેર બજારની શરુઆતમાં પહેલા જ પ્રીઓપન સેશનમાં સેન્સેક્સમાં ઘટાડો જોવા મળ્યો છે. બજાર ખુલવા પર લગભગ 720 અંક ઘટીને 58,075.93 અંક પર ખુલ્યુ. જ્યારે ગુરુવારે સેન્સેક્સ વધારા સાથે  58,795.09 અંક પર બંધ થયું હતુ. જ્યારે સવારના કારોબારમાં બજાર સતત  તુટી રહ્યું છે અને સાડા 10 વાગે તેમાં ઘટાડો 1280 ના અંકની આસપાસ રહ્યો. આ રીતે સેન્સેક્સ 58,000 અંકથી ઘણો નીચે કારોબાર કરી રહ્યું છે.

નિફ્ટીના સ્થિતિ ખરાબ

આ રીતે નેશનલ સ્ટોક એક્સચેન્જની યાદીમાં નિફ્ટીની સ્થિતિ ઘણી ખરાબ રહી. નિફ્ટીની શરુઆત પણ નબળી રહી એને તે લગભગ 250 અંકના ઘટાડા સાથે 17, 338. 75 અંક પર ખુલ્યું. જ્યારે ગુરુવારે આ 17, 536.25 અંક પર બંધ થયું હતુ. સવાકે કારોબારમાં નિફ્ટી 380 અંકથી વધારે ઘટ્યો અને 10 વાગીને 30 મિનિટની આસપાસ 17,150.50 અંક પર કારોબાર કરી રહી છે. 

ટારસનના શેર પ્રીમિયમ પર લિસ્ટ

શેર બજારમાં ઘટાડાની વચ્ચે ટારસન્સ પ્રોડક્ટ્સના શેર 5.74 ટકા પ્રીમિયમની સાથે લિસ્ટ થયા છે. કંપનીના આઈપીઓના સમયે શેરના પ્રાઈસ 662 રુપિયા નક્કી કરવામાં આવ્યા હતા અને શુક્રવારે લિસ્ટિંગના સમયે 700 રુપિયા પર ખુલ્યા.