અઠવાડિયાના સતત ચોથા દિવસે ભારતીય શેરબજારમાં ફરી એક વાર હાહાકાર મચ્યો છે. આજે દિવસની શરૂઆતમાં જ સેન્સેક્સ 550 અંક તૂટ્યો છે અને સાથે જ તે 37 હજારના સ્તરે પહોંચ્યો છે. નિફ્ટીની વાત કરીએ તો તે 150 અંકના ઘટાડા સાથે 11000 અંક નીચે આવ્યો. શરૂઆતમાં બીએસઈ ઈન્ડેક્સ પર તમામ શેર રેડ ઝોનમાં હતા. સૌથી વધારે બેંકિંગ અને ઓટો સેક્ટરમાં ઘટાડો જોવા મળ્યો છે.
શેરબજારમાં મોટો કડાકો
સેન્સેક્સમાં થયો 550 પોઈન્ટનો ઘટાડો
નિફ્ટીમાં પણ મોટો ઘટાડો જોવા મળ્યો
આ કારણે થયો મોટો ઘટાડો
ગ્લોબલ સ્તરે કોરોના વાયરસના કેસને લઈને અને વેક્સીનને લઈને કોઈ ખાસ ઉપાય નહીં હોવાના કારણે રોકાણકારોની ચિંતા વધી છે. એવામાં વૈશ્વિક રોકાણકારો સતર્ક થયા છે. જ્યારે ઘરેલૂ બજારમાં પણ નફાવસૂલી જોવા મળી રહી છે.
બુધવારે આવી હતી સ્થિતિ
વૈશ્વિક બજારની વાત કરીએ તો મજબૂતીના સંકેત મળી રહ્યા છે. શેરબજારમાં ધારણા નબળી રહેવાના કારણે બુધવારે પણ ઘટાડો જોવા મળ્યો હતો. કારોબારના અંતમાં સેન્સેક્સ 65.66 અંક એટલે કે 0.17 ટકાના ઘટાડા સાથે 37,668.42 પર બંધ થયો હતો. જ્યારે નિફ્ટી 21.80 અંક એટલે કે 0.20 ટકાના ઘટાડા સાથે 11,131.85 પર બંધ થયો હતો.
આ શેરોમાં આવ્યો મોટો ઘટાડો
ટેલિકોમ કંપનીઓના શેરમાં વેચાણ રહ્યું પરંતુ બજારમાં નામ ધરાવતી રિલાયન્સ ઈન્ડસ્ટ્રી અને એચડીએફસી બેંકમાં વધારા બાદ નુકસાન પર અંકુશ આવ્યો. સેન્સેક્સના શેરમાં સૌથી વધુ નુકસાન ભારતી એરટેલને થયું છે. તે 7.89 ટકા નીચે આવ્યો છે. વોડાફોન આઈડિયા પણ 1 ટકા નીચે આવ્યો છે. રિલાયન્સ જિઓના પોસ્ટ પેડ પ્લાનની જાહેરાત બાદ કંપનીનો શેર નીચે આવ્યો છે.