અઠવાડિયાના પહેલા કારોબારી દિવસે સોમવારે શેરબજાર રેકોર્ડ સ્તરે ખૂલ્યું છે. બોમ્બે સ્ટોક એક્સચેન્જના પ્રમુખ ઈન્ડેક્સ સેન્સેક્સ 201.41 અંક એટલે કે 0.48ના વધારા બાદ 42,146.78ના સ્તરે ખૂલ્યો હતો. જ્યારે નેશનલ સ્ટોક એક્સચેન્જનો નિફ્ટી 47 અંક એટલે કે 0.38ના વધારા બાદ 12,399.35ના સ્તરે ખૂલ્યો હતો.
સોમવારે શેરબજાર રેકોર્ડ સાથે ખૂલ્યું
સેન્સેક્સ 201.41 અંકના વધારા સાથે 42,146.78 પર ખૂલ્યો
નિફ્ટી47 અંકના વધારા સાથે 12, 399.35ના અંકે ખૂલ્યો
આવી રહી પ્રમુખ શેરોની સ્થિતિ
પ્રમુખ શેરની વાત કરીએ તો પાવર ગ્રિડ, યસ બેંક, એચસીએલ ટેક, ઈન્ફ્રાટેલ, જી લિમિટેડ, એસબીઆઈ, ઈન્ડસઈંડ બેંક અને એશિયન પેન્ટ્સના શેર ગ્રીન ઝોનમાં ખૂલ્યા હતા. જ્યારે આઈઓસી, ટીસીએસ, વિપ્રો, ભારતી એરટેલ, ઓએનજીસી, ગ્રાસિમ, કોલ ઈન્ડિયા, એનટીપીસી, બજાજ ઓટો અને નેસ્લે ઈન્ડિયાના શેર રેડ ઝોનમાં ખૂલ્યા હતા.
સેક્ટોરિયલ ઈન્ડેક્સ પર નજર
સેક્ટોરિયલ ઈન્ડેક્સ પર નજર કરીએ તો આજે આઈટી સિવાય દરેક સેક્ટર્સ ગ્રીન ઝોનમાં ખૂલ્યા હતા. તેમાં મેટલ, ફાર્મા, ઓટો, એફએમસીજી, રિયલ્ટી, પ્રાઈવેટ બેંક, પીએસયૂ બેંક અને મીડિયા સામેલ છે.
પ્રી ઓપન સમયે આવી રહી શેર માર્કેટની સ્થિતિ
પ્રી ઓપન સમયે સવારે 9.10 મિનિટે શેર માર્કેટ ગ્રીન ઝોનમાં રહ્યું હતું. સેન્સેક્સ 317.63 અંક એટલે કે 0.76 ટકાના વધારાની સાથે 42,263ના સ્તરે ખૂલ્યો. નિફ્ટી 78.15 અંક સાથે 0.63 ટકાની સાથે 12,430.50ના સ્તરે હતો.
ડોલરની સરખામણીએ 71.10ના સ્તરે ખૂલ્યો રૂપિયો
ડોલરની સરખામણીએ આજે રૂપિયો 71.10 ના સ્તરે ખૂલ્યો છે. છેલ્લા કારોબારી દિવસે ડોલરની સરખામણીએ રૂપિયો 71.08ના સ્તરે બંધ થયો હતો.
શુક્રવારે 41,945.37ના સ્તરે બંધ થયો હતો સેન્સેક્સ
શુક્રવારે દિવસભરના કારોબાર બાદ શેર બજાર સપાટ સ્તરે બંધ થયું હતું. સેન્સેક્સ 12.81 અંત એટલે કે 0.03 ટકાના વધારા બાદ 41, 945. 37 ના સ્તરે બંધ થયો હતો. જ્યારે નિફ્ટી 3.15 અંક એટલે કે 0.03 ટકાના ઘટાડા બાદ 12,352.35ના સ્તરે બંધ થયો હતો.