વૈશ્વિક બજારમાં નબળાઈના સંકેતોને લઈને આજે અઠવાડિયાના છેલ્લા કારોબારી દિવસે એટલે કે શુક્રવારે શેરબજારની શરૂઆતમાં જ ઘટાડો જોવા મળ્યો છે. સ્ટોક એક્સચેન્જનો પ્રમુખ ઈન્ડેક્સ સેન્સેક્સ 626.43 અંક એટલે કે 1.61 ટકા નીચે 38364.51ના સ્તરે ખૂલ્યો. જ્યારે નેશનલ સ્ટોક એક્સચેન્જનો નિફ્ટી 1.50 ટકા એટલે કે 173.05 અંકના ઘટાડા સાથે 11354. 40ના સ્તરે ખૂલ્યો હતો.
શેરબજારમાં આવ્યો ઘટાડો
સેન્સેક્સમાં આવ્યો 626.43 અંકનો ઘટાડો
નિફ્ટીમાં જોવા મળ્યો 173.05 અંકનો ઘટાડો
દુનિયાભરના બજારોમાં જોવા મળ્યો ઉતાર-ચઢાવ
ગુરુવારે દુનિયાભરના બજારોમાં ઉતાર ચઢાવનો માહોલ જોવા મળ્યો હતો. અમેરિકી બજાર પણ ઘટાડા સાથે ખૂલ્યા હતા. ડાઉ જોં, 0.09 ટકાના ઘટાડા સાથે 27 અંક નીચે 29073 ના સ્તરે ખૂલ્યો હતો. નૈસ્ડેક 1.63 ટકાના ઘટાડા સાથે 202 અંક નીચે 12217 પર અને એસએન્ડપી 0.58 ટકાના ઘટાડા સાથે 20 અંક નીચે 3560 પર ખૂલ્યો. જાપાન અને કોરિયાને છોડીને દુનિયાના લગભગ બધા બજારો ઘટાડા સાથે બંધ થયા હતા. નિક્કેઈ 218 અંકના વધારા સાથે બંધ થયો હતો.
આવી રહી પ્રમુખ શેરોની સ્થિતિ
પ્રમુખ શેરોની વાત કરીએ તો આજે ઈન્ફ્રાટે, ગ્રાસિમ, ટાઈટન, યૂપીએલ અને વિપ્રોના શેર લીલા નિશાન સાથે ખૂલ્યા હતા. જ્યારે આઈસીઆઈસીઆઈ બેંક, ભારતી એરટેલ, કોટક બેંક, હિંડાલ્કો અને પાવર ગ્રિડના શેર લાલ નિશાન પર ખૂલ્યા હતા.
સેક્ટોરિયલ ઈન્ડેક્સ પર નજર
સેક્ટોરિયલ ઈન્ડેક્સ પર નજર કરીએ તો આજે દરેક સેક્ટર્સ લાલ નિશાન પર ખૂલ્યા હતા. તેમાં મીડિયા, ફાઈનાન્સ સર્વિસ, બેંક, પ્રાઈવેટ બેંક, ઓટો, એફએમસીજી, પીએસયૂ બેંક, ફાર્મા, આઈટી અને મેટલ સામેલ છે.
પ્રી ઓપન સમયે આવી રહી શેરબજારની સ્થિતિ
પ્રી ઓપન સમયે સવારે 9.10 મિનિટે સેન્સેક્સ 665.94 અંક એટલે કે 1.71 ટકાના ઘટાડા બાદ 38325ના સ્તરે હતો. નિફ્ટી 7.55 અંક એટલે કે 0.07 ટકા નીચે 11527.45ના સ્તરે હતો.
ગઈકાલે સપાટ સ્તરે બંધ થયું હતું બજાર
ગઈકાલે રોકાણકારોએ કડક વલણ રાખ્યું અને સાથે જ સેન્સેક્સ અને નિફ્ટીમાં સીમિત વધધટ જોવા મળી. સેન્સેક્સ 0.24 ટકાના ઘટાડા બાદ 95.09 અંક નીચે 38990.94ના સ્તરે બંધ થયો હતો. નિફ્ટીની વાત કરીએ તો તે 0.01 ટકાના વધારા સાથે 11535.75ના સ્તરે બંધ થયો હતો.