કડાકો / શેરબજારમાં કોહરામ : YES Bank નો શૅર જે એક સમયે 400 હતો, તેનો હાલનો ભાવ જાણીને આંચકો આવી જશે

• યસ બેંક સંકટ અને કોરોના વાયરસની શેર બજાર પર અસર 
• સેન્સેક્સમાં 1400 અંકનો કડાકો થયો
• નિફ્ટી 327 અંકનાં કડકા સાથે 10,942.65 અંક પર ખુલ્યો

નેશનલ સ્ટોક એક્સચેન્જની પણ આવી જ હાલત થઇ. નિફ્ટી 327 અંકનાં કડકા સાથે 10,942.65 અંક પર ખુલ્યો. નિફ્ટીમાં 802 શેરનાં ભાવમાં કડાકો જોવા મળ્યો. યસ બેંક, કોલ ઈન્ડિયા, ટેક મહિન્દ્રા, એસબીઆઈ, ટાટા મોટર્સ અને આઈસીઆઈસીઆઈ બેંકના શેરની કિંમતમાં ઘટાડો જોવા મળ્યો. 

રિઝર્વ બેંક દ્વારા યસ બેંકમાંથી રકમ ઉપાડવાની સીમા 50 હજાર રૂપિયા કરી દેવામાં આવી છે. રિઝર્વ બેંકનો આ આદેશ એક મહિના માટે છે. રિઝર્વ બેંકનાં આ નિર્ણય બાદ યસના ખાતાધારકોમાં ભારે અફરાતફરી જોવા મળી. આજે સવારથી ભયભીત ખાતાધારકો બેંકબુ બહાર કતારો લગાવીને ઉભા છે. 

રાહતની વાત એ છે કે જો બધું ઠીક રહેશે તો સંકટગ્રસ્ત યસ બેંકમાં સ્ટેટ બેંકની ભાગીદારી થશે. ગુરુવારે આ ખબર આવ્યા બાદ યસ બેંકનાં શેરમાં ઉછાળો જોવા મળ્યો હતો. યસ બેંકની સાથે સાથે શેર બજારમાં કોરોના વાયરસથી પણ ભારે નુકસાન થયું છે. ભારતની સાથે સાથે સમગ્ર એશિયાનાં બજારોમાં ભારે કડાકો જોવા મળ્યો હતો. 

ગુરુવારે શેર બજારમાં ભારે ઉતાર-ચડાવ જોવા મળ્યો હતો. બાપર સુધી સેન્સેક્સ 38880 અંક સુધી પહોંચી ગયો હતો. દિવસભર કારોબાર દરમિયાન સેન્સેક્સ 479 અંક તુટ્યો. સેન્સેક્સનો સર્વોચ્ચ સ્તર 38880 અને સૌથી નીચલો સ્તર 38401 રહ્યો હતો.