શેરમાર્કેટ / બજેટ બાદ પહેલાં દિવસે સેન્સેક્સ રહ્યો નીચે, બજેટના દિવસે 10 વર્ષનો રેકોર્ડ તૂટ્યો હતો

• બજેટના પછીના કારોબારી દિવસે સેન્સેક્સમાં ઘટાડો
• 35 અંકના ઘટાડા સાથે સેન્સેક્સ 39701 પર ખૂલ્યો
• બજેટના દિવસે 1000 પોઈન્ટના કડાકા સાથે 10 વર્ષનો રેકોર્ડ તોડ્યો

આજે સવારે 9.21 મિનિટે સેન્સેક્સ લગભગ 139 પોઈન્ટના વધારા સાથે 39840 સુધી પહોંચ્યો, 9.33ના સમયે સેન્સેક્સ 150 અંક ઘટીને 39586 પર પહોંચ્યો. સવારે 10.15ના સમયે સેન્સેક્સ લગભગ 195 અંક વધીને 39930 સુધી પહોંચી ગયો હતો. 

Sensex at 39,653.25, down by 82.28 points pic.twitter.com/BP1y0oM9Ip

— ANI (@ANI) February 3, 2020

આટલા અંક સાથે બંધ થયું હતું બજાર

શનિવારે સેન્સેક્સ 39 735.53 પર બંધ થયો અને નિફ્ટી 11661.85 પર બંધ થયો હતો. સવારે 10.17 મિનિટે નિફ્ટી 63 અંક વધીને 11724.95 પર કારોબારમાં રહ્યો હતો. 

Nifty at 11,697.30; up by 35.45 points pic.twitter.com/eXveBcbokS

— ANI (@ANI) February 3, 2020

આ  શેર રહ્યા લાલ ઝોનમાં

કારોબારની શરૂઆતમાં 354 શેરમાં વધારો જોવા મળ્યો અને સાથે જ 352 શેરમાં ઘટાડો નોંધાયો હતો. આઈટી,મેટલ અને ફાર્મા સિવાય અન્ય દરેક શેર લાલ ઝોનમાં રહ્યા હતા. વધનારા શેરોમાં આઈઓસી, કોલ ઈન્ડિયા, એશિયન પેંટ્સ, એચયૂએલ, બીપીસીએલ, એલઆઈસી હાઉસિંહ ફાઈનાન્સ પ્રમુખ રહ્યા. નીચે જનારા શેરમાં પ્રમુખ શેરમાં આઈટીસી, એચડીએફસી, પાવર ગ્રિડ અને આરઆઈએલ સામેલ રહ્યા.

10 વર્ષનો સૌથી મોટો કડાકો

શનિવારે બજેટના દિવસે સેન્સેક્સ સૌથી વધારે એટલે કે 1000 પોઈન્ટ નીચે ગયો હતો. સાથે જ 40000ના સ્તરે આવી ગયો હતો. નિફ્ટીએ પણ 350 અંકથી વધારેનો ઘટાડો નોંધાવ્યો અને 11650ના અંકે આવ્યો હતો. 10 વર્ષમાં આ સૌથી મોટો ઘટાડો નોંધાયો છે. સેન્સેક્સ 3 મહિનાના નીચલા સ્તરે છે તો નિફ્ટીમાં ઓક્ટોબર 2018 બાદ આટલો મોટો ઘટાડો જોવા મળ્યો છે. 

બ્રેક્ઝિટ અને કોરોના વાયરસની રહી અસર

શેરબજારમાં ઘટાડાનું મુખ્ય કારણ બ્રેક્ઝિટ અને કોરોના વાયરસ છે. બ્રિટેન 47 વર્ષ સુધી યુરોપીય સંઘનું સદસ્ય રહ્યા બાદ અલગ થયું છે. યુરોપીય સંઘથી બ્રિટેન બહાર આવનારો પહેલો દેશ છે. બ્રિટેનની જનતાએ જૂન 2016માં તેના સમર્થનમાં મતદાન કર્યું હતું. ચીન સહિત દુનિયાના અનેક મોટા દેશોમાં કોરોના વાયરસનો કહેર વધ્યો છે. આ વાયરસના કારણે દુનિયાભરમાં 300થી વધારે લોકોના મોત થઈ ચૂક્યા છે.