વાયરલ / રોહિત શર્મા ગુસ્સે લાલચોળ: બે બોલ પર બે વિકેટ... છતાં શાર્દૂલ ઠાકુર પર ફૂટ્યો ગુસ્સો, વીડિયો વાયરલ

• શાર્દૂલ ઠાકુરે ન્યુઝીલેન્ડ સામે 45 રન આપીને ત્રણ વિકેટ લીધી
• તેમ છતા શાર્દૂલને રોહિત શર્મા તરફથી ઠપકો મળ્યો
• મેચ બાદ રોહિત શર્માએ શાર્દૂલ ઠાકુરના કર્યા હતા વખાણ

શાર્દૂલે બે વિકેટ લીધી હોવા છતાં રોહિત શર્મા નાખુશ દેખાયા 

શાર્દૂલ ઠાકુરે ઈનિંગની 26મી ઓવરના પહેલા બોલમાં ડેરિલ મિચેલને આઉટ કર્યો. ત્યારબાદ બીજા બોલમાં તેમણે કીવી કેપ્ટન ટૉમ લાથમને પેવેલિયનનો રસ્તો બતાવ્યો. અહીથી મેચ ભારત તરફ ઝુકવા લાગી હતી. આ ઓવરમાં કેપ્ટન રોહિત શર્મા બે વિકેટ લીધી હોવા છતાં શાર્દૂલથી ખુશ નહોતા જણાતા. ખરેખર વીડિયો મુજબ શાર્દૂલ તે ઓવરમાં સેટ બેટર ડેવોન કૉન્વે જે સદી ફટકારી ચૂક્યા હતા તેમને શૉર્ટ પિચ બોલ ફેંકી રહ્યાં હતા. કૉન્વે સરળતાથી આ બોલ રમી રહ્યાં હતા. જેને લઇને રોહિત શર્મા નાખુશ દેખાયા હતા. રોહિત શર્માએ ત્યારબાદ બોલિંગ રનઅપ પર શાર્દૂલને ઠપકો પણ આપ્યો. જેનો વીડિયો સોશિયલ મીડિયામાં વાયરલ થયો છે. 

શાર્દૂલ છે ટીમ ઈન્ડિયાના જાદુગર ! 

જો કે, મેચ બાદ રોહિત શર્માએ શાર્દૂલ ઠાકુરના ખૂબ વખાણ કર્યા હતા. તેમણે ઠાકુરને ટીમનો જાદુગર પણ જણાવ્યો હતો. રોહિત શર્માએ કહ્યું હતુ કે અમે ઘણી સારી બોલિંગ કરી, અમે પોતાની યોજના પર સ્થાયી રહ્યાં અને ધૈર્ય જાળવી રાખ્યું. શાર્દૂલ થોડા સમયથી આમ કરી રહ્યાં છે. લોકો તેમને ટીમમાં જાદુગર કહે છે અને તેમણે આમ કરી બતાવ્યું છે. તો મેચ બાદ શાર્દૂલે કહ્યું કે મને ટીમના ખેલાડીઓ પસંદ કરે છે અને હું પણ પોતાના ખેલાડીઓને પસંદ કરુ છુ. જ્યારે વિરોધી બેટર તમારી પર એટેક કરે છે તો તમારે સ્થિર રહેવાની જરૂર હોય છે. તેથી હું વધારે વિચારતો નથી. અલગ-અલગ પરિસ્થિતિઓ માટે તમારે તૈયાર રહેવુ જોઈએ. 

.@imShard scalped 3️⃣ crucial wickets with the ball when the going got tough and bagged the Player of the Match award as #TeamIndia registered a 90-run victory in the final #INDvNZ ODI 👏🏻👏🏻

Scorecard ▶️ https://t.co/ojTz5RqWZf…@mastercardindia pic.twitter.com/cpKbBMOTll

— BCCI (@BCCI) January 24, 2023

શાર્દૂલે છેલ્લે 17 બોલમાં મહત્વના 25 રનનુ યોગદાન આપ્યું

શાર્દૂલ ઠાકુરે આ મેચમાં 45 રન આપીને ત્રણ વિકેટ લીધી બેટીંગ કરીને પણ છેલ્લે 17 બોલમાં મહત્વના 25 રનનુ યોગદાન આપ્યું. આ ઓલરાઉન્ડર પ્રદર્શન માટે શાર્દૂલને પ્લેયર ઑફ ધ મેચ પણ પસંદ કરવામાં આવ્યો.