વિસનગર ભાજપમાં ભાગલા પડ્યા હોવાનું સામે આવ્યું છે. વિસનગર ભાજપમાં બે અલગ અલગ જૂથ સક્રિય થયા છે. શારદાબેન પટેલ સાંસદ તરીકે ચૂંટાતા અલગ અલગ જૂથ સક્રિય થયા છે. પ્રકશ પટેલ અને ઋષિકેશ પટેલના જૂથ હવે અલગ થયા છે. પ્રકાશ પટેલ શારદાબેન પટેલના નાના ભાઈ છે અને એસ.કે.યુનિવર્સિટીના ચેરમેન પણ છે.
તમને જણાવીએ કે, શારદાબેન પટેલના અભિવાદન સમારોહમાં પણ ઋષિકેશ પટેલ ગેરહાજર રહ્યા હતા અને એ ગેરહાજરીએ જ શંકા વધુ મજબૂત બનાવી છે. ગત વિધાનસભા ચૂંટણીથી જ બંને વચ્ચે ખટરાગ ચાલી રહ્યો છે. બંને વચ્ચેના ખટરાગના પગલે જ વિસનગરને મેડિકલ કોલેજ મળવામાં વિલંબ થયો હતો, પણ એ વાત સામે આવી છે કે શારદાબેન સાંસદ બનતા પ્રકાશ પટેલનું જૂથ ચોક્કસ વધુ મજબૂત બન્યું છે.