આસ્થા / શરદ પૂનમ સાથે શ્રીકૃષ્ણનું છે ખાસ કનેક્શન, ઈચ્છા અનુસાર જીવનસાથી મેળવવા આ દિવસે કરો સરળ ઉપાય

• 9 ઓક્ટોબર 2022એ છે શરદ પુનમ 
• દેશભરમાં ધૂમધામથી ઉજવાય છે આ તહેવાર 
• જાણો શરદ પૂર્ણિમાના મહારાસનું મહત્વ 

9 ઓક્ટોબર 2022ના રોજ શરદ પૂર્ણિમાનો તહેવાર દેશભરમાં ધામધૂમથી ઉજવવામાં આવશે. પરંતુ બ્રજમાં આ પર્વનો ઉમંગ કંઈક ખાસ હોય છે. શરદ પૂર્ણિમાના દિવસે ચંદ્ર તેની 16 કળાઓથી યુક્ત હોય છે. આ દિવસે દેવી લક્ષ્મીની વિશેષ પૂજા કરવામાં આવે છે. આ સાથે આ દિવસનો શ્રી કૃષ્ણ સાથે વિશેષ સંબંધ છે. 

આ તે જ દિવસે છે જ્યારે ભગવાન કૃષ્ણ, સોળ હજાર ગોપીઓની ઇચ્છા પૂરી કરીને તેમની સાથે આખી રાત રાસ રમ્યા હતા જેને મહારાસ કહેવામાં આવે છે. કહેવાય છે કે આ દિવસે કેટલાક ખાસ ઉપાય કરવાથી ઈચ્છિત પ્રેમ અને જીવનસાથી મેળવવાની ઈચ્છા પૂર્ણ થાય છે. આવો જાણીએ શરદ પૂર્ણિમા પર મહારાસનું મહત્વ અને ઉપાય.

શરદ પૂર્ણિમા મહારસનું મહત્વ

• શ્રી કૃષ્ણની તમામ લીલાઓને રાસ કહેવામાં આવે છે પરંતુ શરદ પૂર્ણિમાની રાત્રે યમુના કિનારે આવેલા બંસી વટમાં આખી રાત્રે કાન્હાને જ્યારે નૃત્ય કર્યું તેને મહારાસનું બિરુદ મળ્યું છે.
• શાસ્ત્રો અનુસાર આ મહારાસનો મહિમા એટલો અદ્દભુત હતો કે ચંદ્ર પણ તેને જોવામાં એટલો તલ્લીન થઈ ગયો કે તેણે તેની ગતિ સ્થિર કરી લીધી અને ઘણા મહિનાઓ સુધી સવાર પડી ન હતી.
• કહેવાય છે કે કૃષ્ણે તેને બ્રહ્માની રાત જેટલી લાંબી કરી હતી. પુરાણો અનુસાર બ્રહ્માની રાત્રિને મનુષ્યોની કરોડો રાત સમાન માનવામાં આવે છે. 

ઈચ્છા અનુસાર પ્રેમ પ્રાપ્ત કરવા માટે કરો આ ઉપાય 

• શરદ પૂર્ણિમાના દિવસે સાંજે રાધા-કૃષ્ણની પણ પૂજા કરવામાં આવે છે. આ સમયે બંનેને ગુલાબના ફૂલની માળા અર્પણ કરો. મધ્યરાત્રિએ સફેદ વસ્ત્રો ધારણ કરીને ચંદ્રને અર્ઘ્ય અર્પણ કરો. ત્યારબાદ ઓમ રાધાવલ્લભાય નમઃ મંત્રની 3 માળા જાપ કરો.
• જેની સાથે પ્રેમ હોય અને લગ્નમાં અડચણ આવે તો ઈચ્છિત પ્રેમને જીવન સાથી બનાવવા પ્રાર્થના કરો. ભગવાનને અર્પણ કરેલી માળા તમારી પાસે સુરક્ષિત રાખો. એવું માનવામાં આવે છે કે આનાથી પ્રેમ સંબંધોમાં મધુરતા વધે છે અને પ્રેમમાં સફળતા મળે છે.

શરદ પૂનમે કૃષ્ણે તોડ્યું હતું કામદેવનું અભિમાન 

• પ્રેમ અને કામના દેવતા કામદેવને પોતાની શક્તિ પર ખૂબ જ ગર્વ હતો. તેમની પાસે કામ પ્રત્યે કોઈ પણ વ્યક્તિને આસ્કત કરવાની ક્ષમતા હતી. કહેવાય છે કે કૃષ્ણની વાંસળીમાં એટલી શક્તિ હતી કે કોઈ પણ મંત્રમુગ્ધ થઈ જાય.
• શરદ પૂર્ણિમાની રાત્રે કાન્હાએ એવી વાંસળી વગાડી કે બધી ગોપીઓ તેની તરફ ખેંચાઈ ગઈ. તેના મનમાં માત્ર કૃષ્ણને પામવાની ઈચ્છા હતી પણ કામ વાસના નહોતી.
• કામદેવે પોતાની તમામ શક્તિ લગાવી દીધી પરંતુ હજારો ગોપીઓ સાથે નૃત્ય કરી રહેલા કૃષ્ણના મનમાં કામની વાસના ઉત્પન્ન ન થઈ. કામદેવના અભિમાનને કચડી નાખ્યું.