મહારાષ્ટ્ર સંકટ / એક ફોન કૉલ અને શિવસેનાનો આખો પ્લાન થઈ ગયો ચોપટ, જાણો શું થયું?

• સોનિયા ગાંધીએ શિવસેનાને સમર્થન આપવાનો કર્યો વિરોધ
• શરદ પવાર અને સોનિયા ગાંધી વચ્ચે થઇ ટેલિફોનિક વાતચીત

સોનિયા ગાંધી-શરદ પવાર વચ્ચે થઇ ફોન પર વાતચીત

સૂત્રોના જણાવ્યાં અનુસાર શિવસેનાને સરકાર બનાવાના અંગે સમર્થન આપવાને લઇને છેલ્લી ઘડીએ કોંગ્રેસ અધ્યક્ષ સોનિયા ગાંધી અને NCP અધ્યક્ષ સોનિયા ગાંધી વચ્ચે વાતચીત થઇ. આ વાતચીતમાં વૈચારિક રીતે શિવસેનાને સમર્થન આપવા અંગે અસંમજસ હતું. પરંતુ અંત સમયે શરદ પવાર અને સોનિયા ગાંધી વચ્ચે ફોન પર થયેલી વાતચીતે કોંગ્રેસની અનિચ્છા વધારી દીધી.

સોનિયા ગાંધીએ શિવસેનાને સમર્થન આપવાનો વિરોધ કર્યો

આમ બીજા દિવસે શરદ પવાર સાથે આગલા દિવસે થયેલી ફોન પરની વાતચીત બાદ કોંગ્રેસ તરફથી સોનિયા ગાંધીએ શિવસેનાને સમર્થન આપવાનો વિરોધ કર્યો અને ચર્ચાને લઇને વાંધો ઉઠાવ્યો. સોનિયા ગાંધીએ માન્યુ કે શિવસેનાના હિંદુત્વ સમર્થક અને કટ્ટર વિચારધારાની છબીના કારણે કોંગ્રેસને આગામી ચૂંટણીમાં નુકસાન થઇ શકે છે. 

મહારાષ્ટ્ર કોંગ્રેસ નેતાઓએ શિવસેનાને સમર્થન આપવાની વાત કહી

જ્યારે બીજી તરફ મહારાષ્ટ્ર પ્રદેશ કોંગ્રેસના નેતા જેવા કે સુશીલ કુમાર શિંદે, અશોક ચૌહાણ, પૃથ્વીરાજ ચૌહાણ, બાલાસાહેબ ગલેએ ભાજપને સત્તામાંથી દૂર રાખવા શિવસેનાને સમર્થન આપવાની વાત કહી હતી. 

ઉદ્ધવ ઠાકેરે સાથેની વાતચીત બાદ સોનિયા ગાંધીએ કરી આ વાત

શિવસેનાના અધ્યક્ષ ઉદ્ધવ ઠાકરેએ સોનિયા ગાંધીને ફોન કરી સમર્થન આપવા અંગે ઔપચારિક નિવેદન કર્યું હતું. જો કે તે સમયે કોંગ્રેસ અધ્યક્ષે સોનિયા ગાંધીએ વિચાર કરી આ અંગે જણાવીશ તેમ કહ્યું હતું. જો કે ત્યારબાદ 1 કલાક બાદ શરદ પવારે સોનિયા સાથે વાતચીત કરી અને કેટલીક અનિચ્છા વ્યક્ત કરતા કહ્યું કે શિવસેનાને સમર્થન આપવાનું વચન ઉતાવળું હશે. શરદ પવારે ગઠબંધનને લઇને કેટલીક શરતો અંગે ચર્ચા કરવી જરૂરી જણાવી. જેને લઇને શિવસેનાને સમર્થનનો પત્ર આપવામાં આવ્યો નહીં.