ઈન્દોર લોકસભા ક્ષેત્રના ભાજપ સાંસદ શંકર લાલવાનીને માઠો અનુભવ થયો હતો. હોટલમાં જમવા ગયેલા સાંસદના નામે મેમો ફાટ્યો હતો.
ખંડવામાં મોટર યાન નિયમોના ઉલ્લંઘન પર સોમવારે ટ્રાફિક પોલીસ દ્વારા સાંસદ શંકર લાલવાનીના વાહનનો 1500 રૂપિયાનો મેમો ફાટ્યો હતો. 30 ઓક્ટોબરે લોકસભાની પેટા ચૂંટણી છે અને તેના કારણે આ આદર્શ આચાર સંહિતા લાગુ પાડવામાં આવી છે.
ખંડવા ટ્રાફિક પોલીસના અધિકારીના જણાવ્યા અનુસાર તેમણે ખંડવા શહેરનાં મુખ્ય માર્કેટ જેવા એરિયામાં ઊભી રાખેલી એક ગાડી જપી અને તેમ હુટર સહિત અલગથી નેમપ્લેટ પણ હતી. જેના પર સાંસદ ઈન્દોર લખેલું હતું. ગાડીમાં આ રીતે હુટર અને નેમપ્લેટ લગાવવી ગુનો છે.
જમવા પહોંચ્યા હતા સાંસદ
તેમણે જણાવ્યું હતું કે ઉલ્લંઘન પર અલગ અલગ કાનૂની કાયદા અનુસાર ઈન્દોર સાંસદના ડ્રાઈવર પાસેથી 1500 રૂપિયા દંડ વસૂલ કરવામાં આવ્યો હતો. કેટલાક નજરે જોનાર લોકોએ કહ્યું હતું કે સાંસદની ગાડીના એક ટાયરમાં તાળું મારી દેવામાં આવ્યું હતું. દંડની રકમ ભરાયા બાદ એ કાઢવામાં આવ્યું હતું.
1500 રૂપિયાનો ફાટ્યો મેમો
જરે જોનાર લોકોએ કહ્યું હતું કે સાંસદ લાલવાની પોતાની ગાડીમાં ન્હોતા અને બાદમાં તેઓ મોટરસાઇકલમાં એક બીજા વ્યક્તિની પાછળ બેસીને ગયા હતા. ભાજપના સૂત્રોએ જણાવ્યું હતું કે લાલવાની ખંડવા લોકસભા પેટા ચૂંટણીના મામલે ગતિવિધિમાં સામેલ થવા ખંડવા પહોંચ્યા હતા.
તેમની ગાડીને રોક્યા અને કાર્યવાહી કર્યા બાદ આ મુદ્દે તેઓની કોઈ પ્રતિક્રિયા આવી નથી.