જ્યોતિષ જ્ઞાન / મકર રાશિમાં શનિનું ગોચર: ત્રણ રાશિના જાતકોને થશે મહાધનલાભ, જાણો કોના પર આવશે આફત

• શનિ આગામી છ મહિના સુધી મકર રાશિમાં રહેશે
• ઉલ્ટી ચાલ ચાલતા અમુક રાશિના જાતકોને સારું પરિણામ આપશે
• આ રાશિના જાતકોને પડશે મુશ્કેલી

ગ્રહોના સેનાપતિ શનિ 12 જુલાઈએ સવારે 10 વાગ્યેને 28 મિનિટે મકર રાશિમાં પ્રવેશ કરવા  જઇ રહ્યાં છે. શનિ 17 જાન્યુઆરી 2023 સુધી આ રાશિમાં રહેશે. એટલેકે શનિ આગામી 6 મહિના સુધી મકર રાશિમાં જ રહેવાના છે. 

ત્રણ રાશિઓને મહાલાભ 

વૃષભ

મકર રાશિમાં વક્રી શનિનો ગોચર વૃષભ રાશિના જાતકો માટે ખૂબ શ્રેષ્ઠ રહેશે. તમને નોકરીમાં સારા અવસર પ્રાપ્ત થઇ શકે છે. પ્રમોશન મળી શકે છે. નવી નોકરીની તપાસ કરી રહેલા લોકોને શુભ સમાચાર મળી શકે છે. નવો વ્યવસાય શરૂ કરવાની યોજના બનાવી રહ્યાં હતા એવા લોકો માટે આ સમય શ્રેષ્ઠ સાબિત થવાનો છે.

ધન

મકર રાશિમાં વક્રી શનિનો પ્રવેશ સંકેત આપી રહ્યો છે કે તમને આકસ્મિક ધન લાભ થઇ શકે છે. વ્યવસાય અને કાર્યક્ષેત્રમાં સારો નફો અને સફળતા મળવાના યોગ પણ છે. લાંબા સમયથી અટકેલુ ધન તમને પાછુ મળી શકે છે. પાર્ટનરશિપમાં વ્યવસાય શરૂ કરવા માટે સમય ખૂબ શ્રેષ્ઠ છે.  

મીન

મીન રાશિના જાતકો માટે વક્રી શનિનો ગોચર આર્થિક પક્ષની દ્રષ્ટિએ ખૂબ શ્રેષ્ઠ રહેવાનો છે. તમને ગુપ્ત સ્ત્રોતમાંથી રૂપિયા કમાવવામાં સફળતા મળશે. તમારી આર્થિક સ્થિતિ વધુ શાનદાર થશે. નોકરી વ્યવસાય કરનારા જાતકોને પણ સફળતા અને ઈન્ક્રીમેન્ટ મળવાના પ્રબળ યોગ બની રહ્યાં છે. જો રોકાણ કરવા ઉત્સુક છો તો આ સમય શ્રેષ્ઠ છે. 

કોને થશે નુકસાન?

મિથુન

શનિ રાશિ બદલતા જ મિથુન રાશિમાં બનતા કામ બગડી શકે છે. હાથમાં રૂપિયો આવતો રહેશે. પરંતુ ખર્ચા તમારી મુશ્કેલી ઘટવા દેશે નહીં. સંતાન પક્ષની દ્રષ્ટિએ પણ સમય અનુકૂળ નહીં રહે.