શનિની ચાલ / એપ્રિલ માસમાં શનિ કરશે રાશિ પરિવર્તન, આ ત્રણ રાશિના જાતકોની વધશે અઢળક ધનસંપત્તિ

• શનિ કરશે રાશિ પરિવર્તન
• ધન, મિથુન અને તુલા રાશિને ફાયદો
• ધનપ્રાપ્તિના ખુલશે નવા રસ્તા 

આપણા જીવનમાં ગ્રહોની સ્થિતિ અને તેમાં ફેરફાર ઘણો પ્રભાવ લાવે છે. સારા સ્થાને પડેલા ગ્રહો આપણને શુભ ફળ આપે છે તો ગ્રહો સ્થાન બદલે ત્યારે પણ કોઇને કોઇ છાપ આપણા જીવનમાં છોડીને જતા હોય છે. ત્યારે ગ્રહોમાં પણ શનિગ્રહની ચાલ જીવનમાં ભારે ઉથલપાથલ તો ક્યારેક અત્યંત લાભદાયી નીવડે છે. પરંતુ  આ વખતે શનિની દ્રષ્ટિથી 3 રાશિના લોકો માટે વર્ષ 2022 ઘણુ સારુ સાબિત થશે કારણ કે આ વર્ષે એપ્રિલ માસમાં શનિ રાશિ બદલશે જેને કારણે આ ત્રણ રાશિના જાતકોને ઘણી સમસ્યાઓથી મુક્તિ મળશે. ઘણા નવા રસ્તાઓ પણ ખુલશે.

ચમકી ઉઠશે આ રાશિની કિસ્મત

શનિ અઢી વર્ષમાં એકવાર રાશિ બદલે છે. વર્ષ 2021માં શનિએ રાશિ બદલી ન હતી અને હવે વર્ષ 2022માં એપ્રિલ મહિનામાં રાશિ પરિવર્તન થવા જઈ રહ્યું છે. 29 એપ્રિલ, 2022 ના રોજ, શનિ મકર રાશિ છોડીને કુંભ રાશિમાં પ્રવેશ કરશે. શનિનું આ સંક્રમણ 3 રાશિના લોકો માટે ખૂબ જ મહત્વપૂર્ણ રહેશે કારણ કે આ સંક્રમણથી ધનુ રાશિના લોકોને શનિની સાડાસાતીથી મુક્તિ મળશે. આ સાથે જ મિથુન અને તુલા રાશિને પણ અઢી વર્ષ બાદ શનિથી મુક્તિ મળશે. શનિના પ્રકોપથી મુક્તિ મળ્યા બાદ આ ત્રણ રાશિના લોકોના અટકેલા કામ ઝડપથી થવા લાગશે. ધન પ્રાપ્તિના નવા રસ્તાઓ બનશે. ટેન્શન દૂર થશે.

આ રાશિને થશે મુશ્કેલી

શનિનું રાશિ પરિવર્તન  ધન, તુલા અને મિથુન રાશિના લોકોને રાહત આપશે, પરંતુ મીન, કર્ક અને વૃશ્ચિક રાશિના લોકોને ઘણી પરેશાનીઓ લાવશે. 29 એપ્રિલ 2022 થી મીન રાશિના લોકો પર શનિની સાડી સીતી શરુ થશે. બીજી તરફ કર્ક અને વૃશ્ચિક રાશિના લોકો પર શનિની ઢૈયા (અઢી વર્ષ)  શરૂ થશે. જો કે, જેમની કુંડળીમાં શનિ ગ્રહની સ્થિતિ મજબૂત છે, તેઓને સાડાસાત અને  શનિની ઢૈયામાં પણ મોટો ફાયદો થશે.