જ્યારે વાત શનિ ગ્રહની હોય તો ડરવુ જરૂરી છે. ઉપરથી પાછુ શનિ પોતાની રાશિમાં જ અસ્ત થવુ જ્યોતિષ શાસ્ત્ર મુજબ ખૂબ અશુભ ગણાય છે. ક્રૂર દેવતા ગણાતા શનિ અસ્ત થયા છે અને 24 ફેબ્રુઆરી સુધી આ સ્થિતિમાં રહેશે.
શનિ ગ્રહ પોતાની રાશિમાં જ થાય છે અસ્ત
અસ્ત થવુ જ્યોતિષ શાસ્ત્રમાં ખૂબ અશુભ ગણાય છે
24 ફેબ્રુઆરી સુધી ક્રૂર દેવતા શનિ રહેશે અસ્ત
મેષ
શનિનું અસ્ત થવુ કેટલાંક રાશિવાળા લોકો માટે મુશ્કેલીનું કારણ બની શકે છે. તેથી શનિના ઉદય સુધી આ રાશિના જાતકોએ ખૂબ સંતર્ક રહેવુ પડશે. મેષ રાશિનો સ્વામી મંગળ છે અને શનિ-મંગળ વચ્ચે શત્રુતા છે. એવામાં અસ્ત શનિ આ રાશિના લોકોને આગામી 1 મહિના સુધી ખાસ્સા પરેશાન કરી શકે છે. વર્કપ્લેસ પર પોતાની છબિને લઇને સાવધાન રહો. તણાવથી દૂર રહો.
કર્ક
કર્ક રાશિના જાતકો માટે અત્યારે આરોગ્ય અને કારકિર્દી પર મુશ્કેલી આવશે. ખાસ કરીને નોકરી કરનારા લોકો આ દરમ્યાન થોડુ સાવધ રહે. નહીંતર મુશ્કેલીનો સામનો કરવો પડશે.
મિથુન
મિથુન રાશિના જાતકો માટે શનિનું અસ્ત થવુ અશુભ છે. કારણકે આ રાશિ પર અત્યારે શનિની સાડાસાતી ચાલી રહી છે. તેથી આ રાશિના જાતકોએ શનિ અસ્ત રહે તે દરમ્યાન થોડો સંભાળીને વ્યવહાર કરવો જોઈએ.
કન્યા
કન્યા રાશિના લોકોને આ સમયે કામમાં અવરોધ આવશે. વર્કપ્લેસ પર સમસ્યાઓનો સામનો કરવો પડી શકે છે. મહેનતનું ફળ નહીં મળવાથી પરેશાન રહેશે. આરોગ્યનું પણ ધ્યાન રાખો.
તુલા
તુલા રાશિના જાતકો માટે શનિનું અસ્ત થવુ માનહાનિનું કારણ બની શકે છે. ખાસ કરીને વર્કપ્લેસ પર પોતાની ઈમેજને લઇને સંતર્ક રહો. પોતાનું કામ પૂર્ણ કરવા માટે તમારે વધુ પરિશ્રમ કરવો પડી શકે છે. પરિવારમાં મતભેદ પણ થઇ શકે છે.