હરાજી / શેન વોર્નની કેપ માટે એટલી બોલી લાગી કે બની ગઈ ક્રિકેટ ઈતિહાસની સૌથી મોંઘી વસ્તુ

• કેપ માટે 12 જાન્યુઆરી સુધી લાગશે બોલી 
• સર ડોન બ્રેડમેનની કેપ વર્ષ ૨૦૦૩માં ૪.૨૫ લાખ ડોલરમાં વેચાઈ હતી 

બેગી ગ્રીન કેપ કોઈ પણ ઓસ્ટ્રેલિયન ક્રિકેટર માટે બહુ જ સન્માનજનક છે. ગઈ કાલે સવારે જ્યારે આ કેપની હરાજી શરૂ થઈ ત્યારે પાંચ લાખથી વધુની બોલી લગાવવામાં આવી હતી. ધોની દ્વારા ૨૦૧૧ના વિશ્વકપની ફાઇનલમાં ઉપયોગમાં લેવાયેલું બેટ ૧,૦૦,૦૦૦ પાઉન્ડમાં વેચાયું હતું, જ્યારે સર ડોન બ્રેડમેનની કેપ વર્ષ ૨૦૦૩માં ૪.૨૫ લાખ ડોલરમાં વેચાયું હતું, પરંતુ વોર્નની બેગી ગ્રીન કેપ આ બધાને પાછળ છોડી દઈ ક્રિકેટ ઇતિહાસની સૌથી મોંઘી વસ્તુ બની ગઈ છે.

બેગી ગ્રીન કેપની હરાજી બાદ વોર્ને ઇન્સ્ટાગ્રામ પર લખ્યું, ''ઓસ્ટ્રેલિયાનાં જંગલોમાં લાગેલી ભયાનક આગથી બધાને વિચલિત કરી દીધા છે. આ વિનાશકારી આગની અસર એટલા બધા લોકો પર થઈ છે, જે અકલ્પનીય છે. આપણે સતત મદદ કરવા ઉપાયો શોધતા રહીશું.'' 
 
શેન વોર્ને ટેસ્ટ કારકિર્દીમાં રમેલી તમામ ૧૪૫ મેચ દરમિયાન આ કેપ પહેરી હતી, જે દરમિયાન તેણે ઓસ્ટ્રેલિયા તરફથી ૭૦૮ વિકેટ ઝડપી હતી. આ કેપ વોર્ન દ્વારા ઓટોગ્રાફ કરેલા પ્રમાણપત્ર સાથે આવશે. ઓનલાઇન હરાજીથી મેળવેલી બધી જ રકમ આગપીડિતો પીડિતોને દાન કરવામાં આવશે.