ભારતમાં કોરોનાની બીજી લહેર શરૂ થતાં જ IPL 2021ને વચ્ચેથી જ રદ કરી નાખવામાં આવી હતી, પણ હવે સપ્ટેમ્બરમાં IPLમાં બાકી રહી ગયેલ મેચ શરૂ થશે.
પૂર્વ ક્રિકેટર શેન વોર્ન ઓસ્ટ્રેલીયાના ખેલાડીઓથી નારાજ થયા
પોતાના દેશ માટે રમવાનું ચૂકી જશે
ખેલાડીઓ જે પણ પૈસા કમાય છે તેનાથી મને કોઈ સમસ્યા નથી
પૂર્વ ક્રિકેટર શેન વોર્ન ઓસ્ટ્રેલીયાના ખેલાડીઓથી નારાજ થયા
ભારતમાં કોરોનાની બીજી લહેર શરૂ થતાં જ IPL 2021ને વચ્ચેથી જ રદ કરી નાખવામાં આવી હતી, પણ હવે સપ્ટેમ્બરમાં IPLમાં બાકી રહી ગયેલ મેચ શરૂ થશે. આ બધા વચ્ચે ઓસ્ટ્રેલિયના પૂર્વ ક્રિકેટર શેન વોર્ન ઓસ્ટ્રેલીયાના ખેલાડીઓથી નારાજ થયા હતા અને તેમણે એક વાત કહી હતી. તેમનું કહેવું છે કે પોતાના દેશમાં ચાલી રહેલી મહામારી વચ્ચે દેશને મૂકી IPL ને પ્રાથમિકતા આપનાર આ બધા જ ખેલાડીઓને ટીમમાં સામેલ કરવા ન જોઈએ.
પોતાના દેશ માટે રમવાનું ચૂકી જશે
જો વિસ્તાર પૂર્વક આ ઘટના સમજીએ તો આ વર્ષે શરૂ થેયલ IPL કોરોનાની બીજી લહેરને કારણે સ્થગિત કરી દેવામાં આવી હતી, મેચની તારીખો આવતા જ તે વિવાદોમાં ઘેરાઈ ગઈ હતી. આટલું જ નહીં પણ અમુક પ્લેયર્સ કોરોના સંક્રમિત પણ થયા હતા. જેના પરિણામે હવે આ IPL બીજા દેશમાં આયોજન કરવામાં આવી છે. બાકી રહી ગયેલી તમામ મેચો હવે સપ્ટેમ્બર મહિનામાં યોજાવા જઈ રહી છે.
ખેલાડીઓ જે પણ પૈસા કમાય છે તેનાથી મને કોઈ સમસ્યા નથી
શેન વોર્ન દ્વારા અકે પૉડકાસ્ટમાં કહેવામાં આવ્યું કે, "ખેલાડીઓ જે પણ પૈસા કમાય છે તેનાથી મને કોઈ સમસ્યા નથી, આ એક સારી વાત છે. તે લોકો પૈસા કમાવવા માંગે છે તો કમાઈ શકે છે. પણ જો તમે તમારા દેશ માટે ક્રિકેટ રમવા માંગો છો અને પસંદગી માત્ર IPL ની કરો છો તો આ તે લોકોને દેશની ટીમમાં લેવા જ ન જોઈએ. IPL રમ્યા બાદ ખેલાડીઓ આરામ કરવાની માંગણી કરે છે અને ટેસ્ટ મેચને મિસ કરશે. છેલ્લે આ રીતે આ ખેલાડીઓ પૈસા માટે થઈને IPL માટે રમશે અને પોતાના દેશ માટે રમવાનું ચૂકી જશે, તેથી આવું ના થવું જોઈએ.
17 સપ્ટેમ્બરથી આઇપીએલનો મુકાબલો શરૂ થશે અને ઓકટોબરમાં ફાઇનલ યોજાઇ શકે છે