દુનિયાના શાનદાર સ્પિનર્સમાંથી એક શેન વોર્નનો વિવાદો સાથે જૂનો સંબંધ છે. હાલમાં જ એક એક્ટ્રેસે શેન વોર્ન પર અશ્લીલ મેસેજ મોકલવાનો આરોપ લગાવ્યો છે.
એક્ટ્રેસે લગાવ્યો ક્રિકેટર પર ગંભીર આરોપ
રિયાલીટી શોમાં એક્ટ્રેસનો ભયંકર ખુલાસો
શેન વોર્ન અને વિવાદોનો જૂનો સંબંધ રહ્યો છે
એક્ટ્રેસનો આરોપ
ટીવી એક્ટ્રેસ જેસિકાએ શેન વોર્ન તરફથી મોકલવામાં આવેલા સ્ક્રીનશોટને પોતાના ઇન્સ્ટાગ્રામ અકાઉન્ટ પર શૅર કર્યા છે. જેમાં વોર્ન તરફથી જેસિકાને તેના રૂમમાં મળવાની વાત કરવામાં આવી છે. જેમાં એક્ટ્રેસે ઇન્કાર કરી દીધો છે તેમ છતાં વોર્ને તેને ઘણા મેસેજ મોકલ્યા છે. જેસિકાએ કહ્યું કે મને વિશ્વાસ નથી થઇ રહ્યો કે તું મને આવા મેસેજ મોકલી રહ્યો છે.
30 વર્ષની મોડલે કહ્યું કે શેન વોર્ને તેને મેસેજ મોકલ્યો હતો અને જેમાં તે હોટલના રૂમમાં મળવાની વાત કરી રહ્યો હતો. ના પાડવા છતાં તે સતત મેસેજ કરતો રહ્યો હતો. ઓસ્ટ્રેલિયા ટીમે તેના પર ડ્રગ્સ લેવાનો આરોપ લગાવ્યો હતો અને બાદમાં 1 વર્ષનો પ્રતિબંધ પણ લગાવી દેવામાં આવ્યો હતો. હવે જેસિકાના આરોપે વોર્ન માટે મુશ્કેલી ઉભી કરી દીધી છે.
વોર્નનો વિવાદો સાથે જૂનો સંબંધ
વોર્ન પહેલા પણ પોતાના સ્વભાવના કારણે વિવાદોમાં આવી ચૂક્યો છે. અફેર અને સેક્સ સ્કેન્ડલના કારણે તેના લગ્ન પણ તૂટી ગયા છે. શેન વોર્ને ઓસ્ટ્રેલિયા માટે 300થી વધારે ઇન્ટરનેશનલ મૅચ રમી છે. તેને દુનિયાનો બેસ્ટ સ્પિનર માનવામાં આવે છે. ટેસ્ટ ક્રિકેટમાં તેના નામ પર 708 તો વન ડેમાં 293 વિકેટ બોલે છે. તે સિવાય આઇપીએલ સિઝન વનનો ખિતાબ જીતનાર ટીમનો કેપ્ટન રહી ચૂક્યો છે. તેણે રાજસ્થાન રોયલ્સને પહેલી ટ્રોફી જીતાડી હતી.