ક્રિકેટના સૌથી મહાન બોલર શેન વોર્નને થોડા સમય પહેલા હાર્ટ એટેક આવવાના કારણે નિધન થયુ હતુ. વોર્ન ફક્ત 52 વર્ષના હતા. આ દિગ્ગજ ખેલાડીને આજે એટલેકે રવિવારે મેલબર્નમાં અંતિમ વિદાય આપવામાં આવી હતી.
મેલબર્નમાં શેન વોર્નને આપવામાં આવી અંતિમ વિદાય
અંતિમ વિધિમાં વિશ્વભરના ક્રિકેટ જગતના દિગ્ગજો થયા સામેલ
અંતિમ સંસ્કારમાં ઓસ્ટ્રેલિયન ખેલાડીઓ થયા સામેલ
ક્રિકેટના દિગ્ગજોએ વોર્નને આપી અંતિમ વિદાય
વોર્નના અંતિમ સંસ્કારમાં વિશ્વભરના ક્રિકેટ ખેલાડી અને મિત્રો સામેલ થયા હતા. જેમાં ઘણા ખેલાડીઓ તો સ્પષ્ટ રીતે રોવા લાગ્યા હતા. વોર્નની અંતિમ વિધિની અંતિમ તસ્વીરો પણ સામે આવી છે. ઈંગ્લેન્ડના પૂર્વ કેપ્ટન માઈકલ વોન, ઓસ્ટ્રેલિયન ખેલાડી ગ્લેન મેકગ્રાથ, મર્વ હ્યુજેસ, ઇયાન હીલી અને માર્ક વો સહિત લગભગ 80 ખેલાડીઓ શેન વોર્નના ખાનગી કાર્યક્રમમાં જોડાયા હતા. જેનુ આ મહિનાની શરૂઆતમાં થાઈલેન્ડમાં નિધન થયુ હતુ. 52 વર્ષીય વોર્ન થાઈલેન્ડના કોહ સમુઈ દ્વીપ પર રજા મનાવી રહ્યાં હતા ત્યારે તેને શંકાસ્પદ સ્થિતિમાં હાર્ટ એટેક આવવાના કારણે મૃત્યુ થયુ. તેના પાર્થિવ દેહને ચાર્ટર્ડ ફ્લાઈટ દ્વારા પાછુ ઓસ્ટ્રેલિયા લાવવામાં આવ્યું.
Family, sports figures and entertainers bid farewell to Australian cricketing legend Shane Warne at a private funeral held in his hometown of Melbourne https://t.co/fU31JKvptTpic.twitter.com/7r9XzWREir
રવિવારે એક નાના ખાનગી અંતિમ સંસ્કારમાં વોર્નને વિદાય આપનારા લોકોમાં ટીમના પૂર્વ સાથી અને આંતરરાષ્ટ્રીય ખેલાડીઓ પણ સામેલ હતા. જ્યારે વોર્નને આ મહિનાના અંતમાં તેના પ્રિય મેલબર્ન ક્રિકેટ ગ્રાઉન્ડમાં એક સંપૂર્ણ સાર્વજનિક શ્રદ્ધાંજલિ આપવામાં આવશે. જેમાં તેમના લગભગ 80 સૌથી નજીકના મિત્રો અને પરિવાર મેલબર્નમાં વિદાય આપવા માટે આવ્યા હતા. ઓસ્ટ્રેલિયાના પૂર્વ ટેસ્ટ કેપ્ટનના એક સમૂહે પણ એલન બોર્ડર, માર્ક ટેલર અને માઇકલ ક્લાર્કની સાથે વોર્નના વિદાય કાર્યક્રમમાં ભાગ લીધો. જેણે વિક્ટોરિયન, આઈસીસીના રિપોર્ટનું સન્માન કર્યુ.