હમણાં જ રણબીર કપૂરની ફિલ્મ શમશેરાનું ટીઝર રિલીઝ કરવામાં આવ્યું છે. હવે શમશેરાનું એક પોસ્ટર સોશિયલ મીડિયા પર વાયરલ થઈ રહ્યું છે. આ પોસ્ટરમાં રણબીર શાનદાર લુકમાં જોવા મળી રહ્યો છે.
ફિલ્મ શમશેરાથી રણબીરનો લુક વાયરલ
સોશિયલ મીડિયા પર વાયરલ થયો ફોટો
ફેન્સને ખૂબ પસંદ આવી રહ્યો છે ડાકુનો લુક
રણબીર કપૂરની મોસ્ટ અવેટેડ ફિલ્મ શમશેરાની રિલીઝની ચાહકો આતુરતાથી રાહ જોઈ રહ્યા છે. ફિલ્મમાં રણબીરની સાથે સંજય દત્ત અને વાણી કપૂર પણ જોવા મળશે. તાજેતરમાં જ મેકર્સે ફિલ્મનું ટીઝર રિલીઝ કર્યું છે.
ટીઝરની સાથે યશ રાજ ફિલ્મ્સે ટ્વિટર પર તેની રિલીઝ ડેટ વિશે પણ માહિતી આપી હતી. હવે આ ફિલ્મમાંથી રણબીર કપૂરનો નવો લૂક સામે આવ્યો છે, જે હાલમાં સોશિયલ મીડિયા પર વાયરલ થઈ રહ્યો છે. આમાં રણબીર ખૂબ જ જોરદાર અંદાજમાં જોવા મળી રહ્યો છે.
શમશેરાથી રણબીરનું પોસ્ટર લીક
જો કે એક્શનથી ભરપૂર થ્રિલર ફિલ્મ 'શમશેરા'નો રણબીરનો લૂક પહેલા પણ જોવા મળ્યો હતો અને તેની સાથે વાણી કપૂર અને સંજય દત્તનો લૂક પણ ટીઝરમાં જોવા મળ્યો હતો. પરંતુ આ વખતે સોશિયલ મીડિયા પર વાયરલ થઈ રહેલા ફોટોમાં રણબીરનો નવો લૂક જોઈ શકાય છે.
આ તારીખે રિલીઝ થશે ફિલ્મ
શમરેશાનું પોસ્ટર વાયરલ થઈ રહ્યું છે તે જોયા પછી ફેન્સ ખરેખર ફિલ્મ જોવા ઉત્સુક છે. હાલમાં રણબીર બ્રહ્માસ્ત્ર અને શમશેરા જેવી ફિલ્મોને લઈને ખૂબ ચર્ચામાં છે. જોકે, બ્રહ્માસ્ત્ર પહેલા તે શમશેરામાં જોવા મળશે. શમશેરા 22 જુલાઈ 2022ના રોજ સિનેમાઘરોમાં રિલીઝ થશે. શમશેરા હિન્દી ઉપરાંત તમિલ અને તેલુગુ ભાષાઓમાં રિલીઝ થશે.