શું તમે જાણો છો કે નારિયેળ તેલમાં કેટલીક ઘરેલૂ વસ્તુઓ મિક્સ કરીને તમે શેમ્પૂ તૈયાર કરી શકો છો. આ શેમ્પૂ વાળને માટે ખૂબ જ ફાયદો કરે છે.
ઘરે બનાવી લો ખાસ શેમ્પૂ, વાળ રહેશે મજબૂત
નારિયેળ તેલની સાથે ઘરેલૂ વસ્તુઓ મિક્સ કરીને બનાવો શેમ્પૂ
જાણો શું છે ઘરે જ ખાસ શેમ્પૂ બનાવવાની રીત
દરેક વ્યક્તિ ઈચ્છે છે કે તેના વાળ લાંબા, કાળા અને ઘેરા બને. તેનાથી તે સ્ટાઇલિશ દેખાય. પણ દરેક વ્યક્તિની આ ઈચ્છા પૂરી થઈ શકતી નથી. આ સાથે અનેક લોકો સફેદ વાળની સમસ્યાથી પણ પરેશાન રહે છે. તો આજે અમે તમારા માટે નારિયેળ તેલથી બનતા હોમમેડ શેમ્પૂની વિવિધ રીત લાવ્યા છીએ જેનાથી તમારા વાળ ચમકી જશે.
નારિયેળ તેલના ફાયદા
એક્સપર્ટ કહે છે કે નારિયેળ તેલથી વાળને પોષણ મળ છે. નવી ચમક આવે છે. વાળ ગૂંચવાતા નથી. ડેમેજ વાળ પણ જલ્દી રિપેર થાય છે. તો તમે જાણો કઈ રીતે નારિયેળ તેલથી શેમ્પૂ બનાવી શકાય છે.
વાળને માટે નારિયેળ તેલથી તૈયાર કરો શેમ્પૂ
નારિયેળ તેલની સાથે મિક્સ કરી લો શેમ્પૂ
1 કપ નારિયેળ તેલ
1 ચમચો મધ
અડધો કપ અલોવેરા જેલ
પાણી જરૂર પ્રમાણે
સૌ પહેલા મધમાં થોડું પાણી મિક્સ કરો. તેમાંઅલોવેરા જેલ અને નારિયેળ તેલ પણ મિક્સ કરી લો. હવે બધી સામગ્રીને સારી રીતે હલાવી લો. તેને એક શીશીમાં ભરી લો અને ટાઈટ બંધ કરીને તમે ફ્રિઝમાં રાખી શકો છો. અઠવાડિયામાં 1 વાર આ શેમ્પૂને વાળમાં લગાવીને 10 મિનિટ રહેવા દો અને પછી પાણીથી વાળ ધોઈ લો. વાળ સફેદ થતા પણ અટકશે અને વાળની અનેક સમસ્યામાંથી રાહત મળશે.
નારિયેળ તેલ અને નારિયેળના દૂધથી પણ બનાવી શકો છો શેમ્પૂ
આ માટે તમારે 2 ચમચી નારિયેળ તેલ લઈને તેમાં 1 ચમચી નારિયેળનું દૂધ લેવાનું છે. તેમાં તમે ગ્લિસરિન, કોઈ માઈલ્ડ લિક્વિડ સાબુના ટીપા મિક્સ કરો. તેને એક શીશીમાં રાખી લો. જ્યારે વાળમાં આ શેમ્પૂનો ઉપયોગ કરો ત્યારે બોટલને હલાવી લો. તેના ઉપયોગથી વાળ કાળા અને શાઈનિંગ વાળા રહેશે.