અરવલ્લી જીલ્લો પાડોશી રાજ્ય રાજસ્થાનને જોડતો જીલ્લો છે, જીલ્લાના શામળાજી અને મેઘરજ પાસેથી પસાર થતા નેશનલ અને સ્ટેટ હાઈવે રોડ ઉપર થઇ રાજસ્થાનમાં જઈ શકાય છે. વર્ષોથી આ રાજસ્થાન સરહદને જોડતી શામળાજી નજીકનાં રતનપુર અને મેઘરજનાં ઉન્ડવા ગામે ગુજરાત પોલીસની પોલીસ ચોકીઓ મુકવામાં આવી હતી. જેના દ્વારા વર્ષે દહાડે કરોડો રૂપિયાનો દારુ તેમજ અન્ય માદક પદાર્થો ઝડપી પાડવામાં આવતા હતા. પરંતુ હવે આ પ્રકારના ગુનાઓ બંધ થઇ ગયા છે.
ક્રાઇમ રેટમાં ધરખમ વધારો
એક વર્ષમાં કુલ 6 કરોડનો દારુ ઝડપાતો હતો
દારૂ ઝડપાવાના ગુનાઓ હાલ બંધ
શામળાજી પોલીસ સ્ટેશનની વાત કરવામાં આવે તો સને 1 જાન્યુઆરી 2019ના વર્ષમાં સ્થાનિક શામળાજી પોલીસ દ્વારા સમગ્ર વર્ષ દરમિયાન 86 ગુનાઓ હેઠળ કુલ 4.5 કરોડનો વિદેશી દારુ ઝડપી લેવામાં આવ્યો હતો. જ્યારે એલસીબી, એસઓજી, આરઆરસેલ, વિજીલન્સ દ્વારા 13 ગુનાઓ હેઠળ 1.5 કરોડથી વધુ દારુ ઝડપી પાડવામાં આવ્યો હતો. ત્યારે પોલીસની આ દરેક એજન્સીઓ દ્વારા છેલ્લા એક વર્ષમાં કુલ 6 કરોડનો દારુ ઝડપી પાડવામાં આવ્યો હતો.
ત્યારે આ દારૂની હેરાફેરી માટે મુખ્ય બની ચુકેલા આ રસ્તા ઉપરની પોલીસ ચોકી રાજ્ય સરકાર દ્વારા હટાવી લેવાના નિર્ણય બાદ 24-12-2019થી આ પોલીસ ચોકીઓ ઉપર ખંભાતી તાળા લાગી ગયા છે. શામળાજી ચેક પોસ્ટ હટી જતા હાલ ક્રાઇમ રેટમાં ધરખમ વધારો થયો છે.
દારૂ ઝડપાવાના ગુનાઓ હાલ બંધ
શામળાજી નજીકની રતનપુર પોલીસ ચોકી ઉપર આતરાં દિવસે દારુ ઝડપાવાના બનાવો બનતા હતા જે ગુનાઓ હાલ બંધ થઇ ગયા છે. જાન્યુઆરી 2020થી આજ દિન સુધી 5 ગુનાઓ હેઠળ માત્ર 3 લાખનો દારુ ઝડપાયો છે અને તે પણ માત્ર નાની કારોમાં ભરી લાવતો જડપાયો છે જ્યારે મોટી ટ્રકોમાં સંતાડી લવાતો દારુ જડ્પાતો બંધ થઇ ગયો છે. ત્યારે બોર્ડરને જોડતી પોલીસ ચોકીઓ હટાવી લેવાયા બાદ ખરેખર ગુજરાતમાં ઘુસાડવામાં આવતો દારુ બંધ થઇ ગયો કે પછી બુટલેગરોને ખુલ્લું મેદાન મળ્યું છે તે એક મોટો સવાલ છે.
અરવલ્લી જિલ્લા પોલીસ વડાનું મૌન
સમગ્ર મામલે અરવલ્લી જિલ્લા પોલીસ વડાને પૂછવાના પ્રયાસ કરતા તેમને કઈ પણ કહેવાનો ઇન્કાર કરી દીધો હતો. રાજ્ય પોલીસ વડાના નિર્ણય આગળ પોલીસ વડા કઈ પણ બોલવા તૈયાર નથી.