જસપ્રીત બુમરાહની ગેરહાજરીમાં મહોમ્મ્દ શમીએ તરખાટ મચાવતા બાંગ્લાદેશ સામે પહેલી ટેસ્ટમાં 7 વિકેટ ઝડપી હતી. આ અંગે ઇશાંતે શર્માએ મજાકમાં મહોમ્મ્દ શમીને પૂછ્યું હતું કે તે શું ખાય છે તો આટલી સારી બોલિંગ કરી શકે છે તો શમીએ મજાકમાં કહ્યું હતું કે આ બિરયાની ખાવાનો પ્રતાપ છે.
ભારતે બાંગ્લાદેશને એક ઈંનિગ્સ અને 130 રનથી હરાવ્યું
ટીમ ઇન્ડિયા બે મેચની ટેસ્ટ સિરીઝમાં 1-0 થી આગળ
ભારતીય ફાસ્ટ બોલર્સ હાલ દુનિયામાં સર્વશ્રેષ્ઠ પ્રદર્શન કરી રહ્યા છે. ભારતના ફાસ્ટ બોલિંગ એટેકના સૂત્રધાર એવા મોહમ્મદ શમીએ આ પહેલા સાઉથ આફ્રિકાની સિરીઝમાં પણ દમદર પ્રદર્શન કર્યું હતું અને હોલ્કર સ્ટેડિયમની આ મેચમાં કુલ 7 વિકટો ખેરવી હતી.
મેચ પછી હર્ષા ભોગલેની સાથે વાતચીત કરતી વખતે ઇશાંત શર્માએ મજાકમાં કહ્યું હતું કે શમી અત્યારે એવા ફોર્મમાં છે કે એ બોલ જ્યાં પણ ફેંકે ત્યાંથી વિકેટ લઇ શકે તેમ છે.
ઇશાંતે હસતા હસતા જણાવ્યું હતું કે તે શમીને પૂછે છે કે શમી એવું તો શું કરી રહ્યો છે કે બોલ જો પેડ પર અથડાય તો બેટ્સમેન આઉટ થઇ જાય છે, બેટ્સમેન જો પુલ શોટ મારે તો બેટ્સમેન આઉટ થઇ જાય છે. આ પાછળનું રહસ્ય અમને પણ જણાવે.
શમીએ આના જવાબમાં કોચ અને કેપ્ટનના વખાણ કરતા જણાવ્યું હતું કે તેઓ શમીને ફરી રહેવા દે છે. આથી તે તણાવ વગર જે ઈચ્છા થાય તેવી રીતે બોલિંગ કરી શકે છે. ટેસ્ટમાં જે કરવાની તેની ઈચ્છા હોય તેવું પ્રદર્શન તે કરી શકે છે.
આ મુદ્દે ઇશાંતે શમીને કહ્યું હતું કે બીજા ફાસ્ટ બોલર્સ પણ આમ જ કરે છે. તેઓ પણ સારા એરિયામાં બોલ નાખે છે પણ બીજાના બોલ મિસ થઇ જાય છે જયારે શમીના બોલ પેડની નીચે લાગે છે. આનું શું કારણ છે? આ મુદ્દે શમીએ હસતા હસતા જણાવ્યું હતું કે આ બિરયાની ખાવાનો કમાલ છે. આ ઉપરાંત આ અલ્લાહની મહેરબાની છે.
ભારત અને બાંગ્લાદેશની બીજી મેચ 22 થી 26 નવેમ્બરે કોલકાતા ઇડન ગાર્ડન્સ ખાતે રમાશે જે ભારતની પહેલી ડે નાઈટ ટેસ્ટ મેચ હશે.