ભાવનગરમાં રહેતી 6 વર્ષીય બાળકી સાથે તેનાં પરિવારનાં જ એક સભ્ય દ્વારા શારીરીક છેડછાડ કરી હતી. ત્યારે આ બાબતે બાળકીએ તેની માતાને જાણ કરતા આરોપીનો ભાંડો ફુટ્યો હતો. ત્યારે આ બાબતે પોલીસે ગુનો નોંધી તપાસ હાથ ધરી છે.
ભાવનગરમાં ફરી એક વખત સમાજને શર્મશાર કરતી ઘટના બની
ભાવનગરમાં 6 વર્ષની બાળકી સાથે શારીરિક છેડછાડની બની ઘટના
પરિવારના જ એક સભ્યએ બાળકી સાથે કરી શારીરિક છેડછાડ
દિન પ્રતિદિન નાના બાળકો સાથે છેડછાડની ઘટનાઓમાં વધારો થઈ રહ્યો છે. ત્યારે ભાવનગમાં ફરી એક વખત સમાજને શર્મસાર કરતી ઘટના બની છે. જેમાં ભાવનગરમાં 6 વર્ષીય બાળકી સાથે શારીરીક છેડછાડની ઘટના બની છે. પરિવારનાં જ એક સભ્યએ બાળકી સાથે શારીરીક છેડછાડ કરી છે. આ ઘટના ત્યારે બની જ્યારે બાળકી ઘરે એકલી હોવાથી તેનો ફાયદો ઉઠાવી છેડછાડ કરી હતી. બાળકી સાથે 4 થી 5 દિવસ પહેલા ઘટના બની હતી.
ઘટના કેવી રીતે પ્રકાશમાં આવી
આ ઘટના બાબતે બાળકીએ ઘટનાની જાણ તેની માતાને કરતા આરોપીનો ભાંડો ફુટ્યો હતો. બાળકીને તાત્કાલીક સારવાર અર્થે હોસ્પિટલ લઈ જવામાં આવી હતી. ત્યારે બાળકી હાલ ભાવનગર સિવિલ હોસ્પિટલમાં સારવાર હેઠળ છે. ત્યારે આ બાબતે નિલમબાગ પોલીસે ફરિયાદ નોંધી તપાસ શરૂ કરી છે.