શર્મસાર / ગુજરાતમાં દુષ્કર્મનો શરમજનક કિસ્સો,ભરૂચમાં 55 વર્ષના આધેડે 11 વર્ષની સગીરાને બનાવી હવસનો શિકાર

• છેલ્લા બે-ત્રણ દિવસમાં બાળકીઓ પર દુષ્કર્મ 
• બરૂચ અને સુરતમાં બાળકીઓ બની શિકાર 
• અધમ કક્ષાની માનસિકતાનો શિકાર બાળકીઓ 

છેલ્લા બે-ત્રણ દિવસથી હૈયું હચમચાવી નાખતી દુષ્કર્મની ઘટનાઓ સામે આવી રહી છે. ભરૂચ હોય,સુરત હોય કે પછી વલસાડ.રાજ્યના કેટલાય શહેરોમાંથી નાની બાળકીઓ સાથે આચરાતી હેવાનિયતનાં  સમાચાર,પાષાણ હૃદયના માનવીને પણ પીગળાવી દે.પણ, અહીં તો માનવતા તો શર્મસાર છે જ.પરંતુ અન્દારનો આત્મા જ મારી પરવાર્યો હોય તેવી ઘટનાથી માનસિક વિકાર કઈ હદે પહોચ્યો છે તેની પ્રતીતિ પણ કરાવે છે. ભરૂચમાં ગ્રામ્ય વિસ્તારમાં સગીરા સાથે આચરાયેલા અદમ કક્ષાના કૃત્ય આચરનારો શખ્સ ,પોતાના પરિવારમાં દાદા બનવાની ઉમરે આવી હલકી માનસિકતા ધરાવતો જોવા મળ્યો છે. 

ભરૂચમાં 11 વર્ષની સગીરા સાથે દુષ્કર્મ થયું છે.ગ્રામ્ય વિસ્તારમાં સગીરા સાથે દુષ્કર્મ કર્યું છે.55 વર્ષના આધેડે સગીરા સાથે દુષ્કર્મ આચર્યું છે.નબીપુર પોલીસે આરોપીની  ધરપકડ કરી છે.સિવિલ હોસ્પિટલ ખાતે આરોપીની મેડિકલ પ્રક્રિયા હાથ ધરાઈ હતી.આ ઘટનાને લઈને પોલીસે વધુ તપાસ હાથ ધરી છે.

સુરતની ઘટના 

સુરતમાં ક્રાઈમ રેટમાં દિવસે દિવસે વધારો થઈ રહ્યો છે, હત્યા, દુષ્કર્મ, મારામારી, લૂંટ, અપહરણ કેસાઓ સામે આવી રહ્યા છે ત્યારે વધુ એક કિસ્સાઓ અરેરાટી ફેલાવી દીધી છે. સુરતના સચિન વિસ્તારમાં નરાધમ યુવકે 4 વર્ષની નાના બાળકીને પોતાની હવસનો શિકાર બનાવતા સમગ્ર પથકમાં ચરચાર મચી ગઈ છે. 

બાળકીનું અપહરણ કરીને યુવકે આચર્યું દુષ્કર્મ

સચિન વિસ્તારમાં 4 વર્ષની બાળકીનું અપહરણ કર્યા બાદ યુવકે તેની સાથે દુષ્કર્મ ગુજાર્યું હતું બાદમાં બાળકીને ઝાડીમાં ફેંકી ફરાર થઈ ગયો હતો, પરિવારજનોએ બાળકી ગુમ થયાની ફરિયાદ નોંધાયા બાદ પોલીસ દ્વારા બાળકીને શોધવા માટે ચક્રોગતિમાન કર્યો હતા જેમાં ક્રાઈમ બ્રાન્ચે 10 ટીમો બનાવી બાળકોની શોધખોળ હાથ ધરી, આખરે 5 કલાક બાદ બાળકી ઝાડીમાં ફેંકી દીધેલ હાલતમાં મળી આવી હતી જે બાદ પોલીસે મેડિકલ તપાસ માટે બાળકીને મોકલી આપી હતી જેમાં સમગ્ર મામલો સામે આવ્યો હતો.  

ક્રાઈમબ્રાંચે 5 કલાકમાં બાળકીને શોધી

4 બાળકીના અપહરણ બાદ તેની દુષ્કર્મની ઘટના સામે આવતા જ પોલીસ પણ ચોંકી ગઈ છે, હાલ તો બાળકી હોસ્પિટલમાં સારવાર અર્થે છે, જ્યારે પોલીસ ઘટના સ્થળની આસપાસના સીસીટીવીને આધારે તપાસનો ધમધમાટ શરૂ કર્યો છે, CCTV ફૂટેજના આધારે પોલીસે આરોપીની ઓળખ કરી હોવાનું પણ મનાઈ રહ્યું છે, જો કે હજુ સુધી આરોપી યુવકની ધરપકડ થઈ નથી. 

વલસાડની ઘટના 
 
વલસાડમાં હ્યદય હચમચારી નાખે તેવી ઘટના સામે આવી છે, કળિયુગના સાવકા પિતાએ પોતાની દીકરીને દુષ્કર્મનો શિકાર બનાવી છે. એટલું જ નહીં આ સાવકો પિતા 10 મહિનાથી દીકરીને દુષ્કર્મ ગુજારતા હોવાનું સામે આવ્યું છે. વારંવાર દુષ્કર્મ કરતા પિતા સાવકી દીકરીને ધમકી પણ આપતા જો કે સગીરાએ હિંમત કરીને ચાઈલ્ડ વેલ્ફેરમાં ફોન કરીને સમગ્ર મામલે જાણ કરી હતી જે બાદ પિતાનો ભાંડો ફુટ્યો હતો.જે બાજ દુષ્કર્મ મામલે પોલીસમાં ફરિયાદ નોંધાતા પોલીસે આરોપી પિતાની ધરપકડ કરી આગળની કાર્યવાહી હાથ ધરી છે.
 
10 મહિનાથી આચરતો હતો દુષ્કર્મ

મહત્વનું છે કે રાજ્યમાં દુષ્કર્મ, અપહરણ, હત્યા જેવી ગુનાઓમાં વધારો થયો છે, તેમાં પણ સગીર વયની બાળાઓ સાથે ગુનાખોરીનું પ્રમાણ વધ્યું છે. ત્યારે ગુજરાતમાં બનેલી આ ઘટનાએ સૌ કોઈને રૂવાડા ઉભા કરી દીધા છે. નરાધમ સાવતા પિતાએ 14 વર્ષની સગીર દીકરીને પોતાની હવસનો ભોગ બનાવી હતી.