વાયરલ / VIDEO : આઝાદી દિવસે પાકિસ્તાનીઓની શર્મનાક હરકત, વિદેશી માતા-દીકરીની કરી છેડતી, વીડિયો વાયરલ

• પાકિસ્તાનમાં આઝાદી દિવસે ભીડે કર્યું અણછાજતું કામ
• ફરવા આવેલી છોકરીઓની ઈસ્લામાબાદમાં થઈ છેડતી
• લોકોએ જાહેરમાં માતા અને દીકરી સાથે કરી શરમજનક હરકત 

આપણા દેશમાં 'અતિથિ દેવો ભવ' એટલે કે અતિથિને ભગવાનનું રૂપ કહેવામાં આવે છે. પરંતુ પડોશી પાકિસ્તાની લોકો આઝાદી દિવસ જેવા ખુશીના પ્રસંગે પણ સખણા રહેતા નથી અને અણછાજતું કામ કરીને દેશનું પહેલેથી જ ખરાબ નામ વધારે ખરાબ કરવામાં ફાળો 
વિદેશથી ફરવા આવેલી છોકરીઓ સાથે ઈસ્લામાબાદમાં જે પ્રકારની ઘટના બની છે તે ખરેખર નિંદનીય છે. પાકિસ્તાનમાં વિદેશી છોકરીઓ સાથે આવી ગંદી હરકતનો વીડિયો સામે આવ્યો છે, જેને જોઈને લોકો ભડકી ગયા છે. પાકિસ્તાનના સ્વતંત્રતા દિવસની મુલાકાતે આવેલી બે વિદેશી યુવતીઓ પર ટોળાએ શરમજનક વર્તન કર્યું હતું. 

Boys misbehaving with foreign tourists on the occasion of #Pakistan's #IndependenceDay in Shakarparian, #Islamabad. Authorities must identify and punish the culprits. @ICT_Police pic.twitter.com/9cRdPntMS2

— Islamabad Updates (@IslamabadViews) August 15, 2022

ટોળાએ વિદેશી માતા અને દીકરીને ઘેરી લીધી 
14 ઓગસ્ટ પાકિસ્તાનનો આઝાદી દિવસ છે અને આ શુભ દિવસે જ અણછાજતી ઘટના બની છે. આ ઘટનાનો એક વીડિયો વાયરલ થયો છે જેમાં બે વિદેશથી આવેલી બે મહિલાઓને ચારેબાજુથી ઘેરી લેવામાં આવી હતી અને તેમને પરેશાન કરવામાં આવી હતી. 
કહેવામાં આવી રહ્યું છે કે આ ઘટના પાકિસ્તાનની રાજધાની ઈસ્લામાબાદની છે. વીડિયોમાં તમે જોઈ શકો છો કે કેવી રીતે મહિલા અને તેની દીકરી ડરેલી જોવા મળી રહી છે. તેઓ ગમે તેમ કરીને તે સ્થળેથી બહાર નીકળવા માગે છે. આ દરમિયાન લોકો તેના પર વિવિધ રીતે કોમેન્ટ કરતા પણ જોવા મળે છે. કેટલાક લોકો તેમના મોબાઇલ ફોન પર તેમના વીડિયો પણ બનાવી રહ્યા છે.

પોલીસે ચાર યુવાનોની કરી ધરપકડ 
ઇસ્લામાબાદ પોલીસે ઉદ્યાન શકરપેરિયન હિલ્સમાં મહિલાઓની છેડતી કરવાના આરોપમાં ચાર લોકોની ધરપકડ કરી છે. સોશિયલ મીડિયા પર આ ઘટનાનો વીડિયો વાયરલ થયા બાદ આ ધરપકડ કરવામાં આવી છે. સોમવારે (15 ઓગસ્ટ)ના રોજ અબપરા પોલીસ સ્ટેશનમાં એફઆઈઆર નોંધવામાં આવી હતી. તેમાં કહેવામાં આવ્યું છે કે પુરુષોના ટોળાએ સ્વતંત્રતા દિવસ પર વિદેશી મહિલાઓની પજવણી અને અપમાન કર્યું હતું. ત્યાર બાદ અજાણ્યા શખ્સો સામે પણ પાકિસ્તાન પીનલ કોડની વિવિધ કલમો હેઠળ ગુનો નોંધવામાં આવ્યો છે.