રાજ્યસભા / વરસાદ પર રાજનીતિનો રેલો! કોંગ્રેસ પ્રદેશ પ્રમુખ શક્તિસિંહે આરોપ કરતાં ભાજપનો સણસણતો જવાબ

ગુજરાત કોંગ્રેસ પ્રદેશ અધ્યક્ષ તેમજ રાજ્યસભા સાંસદ શક્તિસિંહ ગોહિલે આજે રાજ્યસભામાં ગુજરાતમાં ભારે વરસાદને કારણે ખેડૂતો અને કેટલાક ગામડાઓમાં થયેલા નુકસાનનો મુદ્દો ઉઠાવ્યો હતો

વરસાદ પહેલા જે ડ્રેનેજનું કામ થવું જોઈએ તે થયું નથીઃ શક્તિસિંહ

તેમણે કહ્યું કે ગુજરાતના કેટલાક વિસ્તારોમાં વરસાદને કારણે અનેક લોકોએ જીવ ગુમાવ્યા છે. વરસાદને કારણે જનજીવનને માઠી અસર પહોંચી છે અને ખેડૂતોનો પાક બરબાદ થયો છે. તેનું કારણ એ છે કે ત્યાં મોટા પ્રમાણમાં ભ્રષ્ટાચાર ચાલી રહ્યો છે અને વરસાદ પહેલા જે ડ્રેનેજનું કામ થવું જોઈએ તે થયું નથી. ગુજરાતમાં વરસાદથી અસરગ્રસ્ત લોકો માટે સરકાર દ્વારા કોઇપણ પ્રકારની રાહત કામગીરી નહી કરવામાં આવી હોવાના આક્ષેપ શક્તિસિંહે કર્યા હતા.

ભાજપે વળતો જવાબ આપ્યો

બીજી તરફ ભાજપે આનો વળતો જવાબ આપ્યો છે. ભાજપના પ્રવક્તા હિતેન્દ્ર પટેલે વળતો જવાબ આપતા નિવેદન આપ્યું હતુ કે રાજ્યના મુખ્યમંત્રી, કૃષિમંત્રી રાધવજી પટેલ અને સ્થાનિક નેતાઓએ અસરગ્રસ્ત સ્થળોની મુલાકાત કરી હતી તો હવે કોંગ્રેસના પ્રમુખે જે વાત કરી છે, ત્યારે મારે તેમને પુછવુ છે કે અત્યારે જ તમને ઘેડ વિસ્તાર યાદ આવ્યો... અત્યારે જ પાણી ભરાવવાની સમસ્યા યાદ આવી.... કોંગ્રેસના અનેક સાંસદોએ વર્ષો સુઘી નેતૃત્વ કર્યુ છે, પણ ધેડ પંથકની સમસ્યાની રજૂઆત કરી નથી. તેઓએ કેટલી વખત રજૂઆત કરી તે વિગતો પબ્લિક ડોમેઈનમાં મુકે, ખેડૂતોને ખંભે બંદુક મુકીને રાજનીતિ ના કરો.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ