રાજ્યસભા / VIDEO: 'નીલગાય ગૌવંશની જાત નથી તેથી..' શક્તિસિંહ ગોહિલે ખતમ કરવાની કરી માંગ

રાજ્યસભા સાંસદ અને ગુજરાત પ્રદેશ કોંગ્રેસ પ્રમુખ શક્તિસિંહ ગોહિલે આજે રાજ્યસભામાં ખેડૂતોને નીલગાય થી થઇ રહેલા નુકશાનનો મુદ્દો ઉપાડ્યો હતો

શું કહ્યું શક્તિસિંહે ?

સવાલ કર્યો હતો કે ગુજરાતમાં નીલગાય જે ગૌવંશની જાત નથી પરંતુ હરણના વંશનું પ્રાણી છે જેના કારણે ખેડૂતોને મોટા પ્રમાણમાં નુકશાન થઇ રહ્યું છે. નીલગાયનો વિકાસ ખુબજ ઝડપથી થઇ રહ્યો છે તો તેને રોકવા અને ખતમ કરવા માટે કેન્દ્ર સરકાર દ્વારા કોઈ પગલા ભરવામાં આવ્યા છે કે નહી.

રાજ્યમાં હાલ નીલગાયની વસ્તી અંદાજે અઢી લાખથી પણ વધારે હોવાનું અનુમાન છે. અમદાવાદ જિલ્લામાં સાડા નવ હજાર કરતા વધારે નીલગાય હોવાનો અંદાજ છે જ્યારે ગાંધીનગર જિલ્લામાં ત્રણ હજાર કરતા વધારે નીલગાય હોવાનો અંદાજ છે.

બનાસકાંઠા, પાટણ, મહીસાગર, અરવલ્લી,મહેસાણા, ગાંધીનગર અને સાબરકાંંઠા જેવા ઉત્તર ગુજરાતના જિલ્લાઓમાં 91 હજારથી વધુ નીલગાય છે જે રાજ્યમાં તેમની કુલ વસ્તીના 36 ટકાથી વધારે છે.

ખેડૂતો માટે નુકસાનકારક, સડક દુર્ઘટના માટે પણ બને છે કારણ

નીલગાયને કારણે ખેડૂતોના પાકને નુકસાન થતું હોવાથી તે ખેડૂતો માટે તો નુકસાનકારક છે જ સાથે-સાથે તેને કારણે સડક દુર્ઘટનાઓ પણ ઘટે છે.. જો કે આ પ્રાણીને વન્યજીવ સંરક્ષણ અધિનિયમ 1972ની અનુસૂચિ 3માં સમાવાયું છે.. જેથી તેનો શિકાર કરવા પર ત્રણ મહિનાની જેલ અથવા આર્થિક દંડ અથવા બન્ને થઇ શકે છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ