નિવેદન / VIDEO: કોઈ યુવતી એવું કહે કે મારે સેક્સ કરવું છે તો...: સિનિયર અભિનેતાનું અભદ્ર નિવેદન, લોકો બરાબરના ભડક્યાં

• વિવાદમાં ફસાયા અભિનેતા મુકેશ ખન્ના 
• લોકોએ તેમના એક નિવેદનથી કર્યા ટ્રોલ 
• સમાજની છોકરીઓને લઈને વિવાદિત નિવેદન

પીઢ અભિનેતા મુકેશ ખન્ના પોતાના સ્પષ્ટવક્તા નિવેદનોને કારણે અવારનવાર ચર્ચામાં રહે છે. તેમને રોજ ટ્રોલિંગનો સામનો કરવો પડે છે. મુકેશ ખન્ના ફરી એકવાર એકવાર લોકોના નિશાના પર છે. પોતાના એક યૂટ્યૂબ વીડિયોમાં મુકેશ ખન્નાએ છોકરીઓને લઈને વિવાદિત નિવેદન આપ્યું છે. જે એક મોટો મુદ્દો બની ગયો છે અને અભિનેતાને જોરદાર ટ્રોલ કરવામાં આવી રહ્યો છે.

આવી છોકરી સારા સમાજની નથી 
સોશિયલ મીડિયા પર વાયરલ થઈ રહેલી ક્લિપમાં મુકેશ ખન્ના કહે છે - જો કોઈ છોકરી કોઈ છોકરાને કહે કે મારે તારી સાથે સેક્સ માણવું છે, તો તે છોકરી છોકરી નથી. તે બિઝનેસ કરી રહી છે. કારણ કે સભ્ય સમાજની કોઈ પણ છોકરી ક્યારેય આવી વાહિયાત બાબતો નહીં કરે. જો તે કરે છે, તો તે સભ્ય સમાજની નથી. એ જ એનો ધંધો છે. તેમાં સહભાગી ન બનો. તેથી જ હું કહું છું કે આવી છોકરીઓથી દુર રહો. મુકેશ ખન્નાના આ નિવેદન પર હંગામો થયો છે. લોકો સોશિયલ મીડિયા પર કોમેન્ટ કરી રહ્યા છે અને સોરી શક્તિમાન લખી રહ્યા છે.

 

 

 

 

View this post on Instagram

 

 

 

 

 

 

 

 

 

 

 

A post shared by Bollywoodshitposts (@bollywoodshitposts)

લોકો કરી રહ્યા છે ટ્રોલ
છોકરીઓ પર સવાલ ઉઠાવનારા મુકેશ ખન્નાને લોકોએ પૂછ્યું- જો છોકરાઓ આવી ડિમાન્ડ કરશે તો તેમને શું કહેશો? મુકેશ ખન્ના યુટ્યુબ પર ભીષ્મ ઇન્ટરનેશનલ ચેનલ ચલાવે છે. તેમની પાસે 1.15M સબસ્ક્રાઇબર્સ છે. આ વીડિયોને યૂટ્યૂબ પર શેર કરતા મુકેશ ખન્નાએ જણાવ્યું કે તેમણે કેવા પ્રકારની છોકરીઓથી બચવું જોઈએ. તેણે કહ્યું કે સોશિયલ મીડિયા પર એક રેકેટ છે જ્યાં છોકરીઓની પ્રોફાઇલમાંથી મેસેજ આવે છે, પછી તેઓ તમને લાલચ આપીને બ્લેકમેલ કરે છે. 

લોકોને આવે છે મેસેજ
મુકેશ ખન્નાએ કહ્યું કે તેમને વોટ્સએપ પર પણ આવા મેસેજ આવે છે જેમાં લખ્યું છે કે હાય મારે તમારી સાથે વાત કરવી છે. આવી છોકરીઓ સમાજમાં હોય તો સમજો કે આપણો સમાજ કેટલો પડી રહ્યો છે. મુકેશ ખન્નાના વર્કફ્રન્ટની વાત કરીએ તો તે લાંબા સમયથી ટીવી શો અને ફિલ્મોમાં સક્રિય નથી. વેબ પર તે મુકેશ ખન્ના શો કરે છે. તે તેના નિર્માતા પણ છે. તેણે શક્તિમાન, વારિશ, વિશ્વામિત્ર, મહાયોધા, ચંદ્રકાંતા જેવા હિટ શો કર્યા છે.