રાજનીતિ / ભૂપેન્દ્ર પટેલના સમર્થનમાં 'શક્તિ પ્રદર્શન'; ભાજપ શાસિત આ 4 રાજ્યોના CM રહેશે 'શપથ'માં ઉપસ્થિત 

• સોમવારે ભૂપેન્દ્ર પટેલનો શપથ ગ્રહણ 
• ચાર રાજ્યોના મુખ્યમંત્રી રહી શકે છે ઉપસ્થિત 
• કેન્દ્રિય ગૃહમંત્રી અમિત શાહ પણ રહેશે ઉપસ્થિત  

અમદાવાદના ઘાટલોડીયા વિસ્તારના ધારાસભ્ય અને રાજ્યના નવા ઘોષિત થયેલા મુખ્યમંત્રી ભૂપેન્દ્ર પટેલના શપથગ્રહણ સમારોહમાં અમિત શાહ સાથે ભાજપ શાસિત રાજ્યોના પાંચ મુખ્યમંત્રી ઉપસ્થિત રહી શકે છે. જેમાં હાલમાં જ કર્ણાટકમાં નિયુક્તિ પામેલા બસવરાજ બોમાઈ, ગોવાના મુખ્યમંત્રી પ્રમોદ સાવંત, મધ્યપ્રદેશના મુખ્યમંત્રી શિવરાજસિંહ ચૌહાણ,આસામના મુખ્યમંત્રી હિમંત બિસ્વા શર્મા, ગુજરાત આવી શકે છે.

કેમ બનાવાયો શપથગ્રહણ ખાસ ? 

ગુજરાતમાં નેતૃત્વ પરિવર્તન થયું છે. ભૂપેન્દ્ર પટેલ અમદાવાદ બહાર સર્વ સ્વીકાર્ય ચહેરો પણ નથી અને મુખ્યમંત્રી તરીકે તેઓ એક માત્ર વ્યક્તિ શપથ ગ્રહણ કરવાના છે ત્યારે, ચાર-ચાર  રાજ્યોના મુખ્યમંત્રી ગુજરાતના મુખ્યમંત્રીને શુભેચ્છા આપવા આવી પહોચવાના હોય તો આ માત્ર 'શક્તિ' પ્રદર્શન હશે. સમગ્ર મંત્રી મંડળના શપથ ગ્રહણ હોય તો હજુ સમજી શકાય પણ એક માત્ર મુખ્યમંત્રીના શપથમાં મુખ્યમંત્રીઓની ઉપસ્થિતિ અચરજ પમાડે તેવી છે. 

2004માં PM મોદીએ કર્યું હતું શક્તિ પ્રદર્શન -મુદ્દો જૂદો

વડાપ્રધાન નરેન્દ્ર મોદી જ્યારે ગુજરાતના મુખ્યમંત્રી હતા ત્યારે, ગુજરાતમાં ઘટેલી કેટલીક ઘટનાઓને લઈને અમેરિકાએ નરેન્દ્ર મોદીના વિઝા નકારી દીધા હતા.2004માં અમેરિકા દ્વારા મોદીના ગોધરાકાંડની સંડોવણી બદલ વીઝા આપવાનો ઇન્‍કાર કરી દેવામાં આવ્‍યો હતો. આ વખતે નરેન્દ્ર મોદીએ અમદાવાદના કાંકરિયા ફૂટબોલ ગ્રાઉન્ડમાં વિશાળ શક્તિ પ્રદર્શન કર્યું હતું અને કોંગ્રેસને આડે હાથે લીધી હતી. આ શક્તિ પ્રદર્શનમાં મધ્યપ્રદેશના મુખ્યમંત્રી શિવરાજસિંહ ચૌહાણ, અરુણ જેટલી, લાલકૃષ્ણ અડવાણી સહીત અન્ય કેટલાક ભાજપ સાશિત રાજ્યોના મુખ્યમંત્રીઓ ઉપસ્થિત રહ્યા હતા.

સભામાં  કોનો માન્યો આભાર ? 

જો કે, તત્કાલીન વડાપ્રધાન ડો. મનમોહનસિંઘે,અમેરિકી કોન્સ્યુલેટને ભલામણ કરી હતી કે, ગુજરાતના મુખ્યમંત્રી નરેન્દ્ર્ર મોદીને વિઝા આપવા જોઈએ. ઉલ્લેખનીય છે કે, આ સભામાં મુખ્યમંત્રી નરેન્દ્ર મોદીએ ડો.મનમોહન સિંઘનો આભાર વ્યક્ત કર્યું હતો,અને કહ્યું હતું, 'શુક્રિયા પ્રધાનમંત્રી જી' 

ત્યારબાદ,એવું બન્યું હશે કે, નરેન્દ્ર મોદીના શપથ ગ્રહણ 2007 અને 2012માં કોર્પોરેટ્સ-ફિલ્મ અને રાજનીતિના તજજ્ઞો ઉપરાંત કેટલાય રાજ્યોના ત્યારબાદ,એવું બન્યું હશે કે, નરેન્દ્ર મોદીના શપથ ગ્રહણ 2007 અને 2012માં કોર્પોરેટ્સ-ફિલ્મ અને રાજનીતિના તજજ્ઞો ઉપરાંત કેટલાય રાજ્યોના મુખ્યમંત્રી આવ્યા હશે.પણ આ પહેલીવાર બની રહ્યું છે કે, માત્ર એક મુખ્યમંત્રીના શપથમાં ચાર રાજ્યોના મુખ્યમંત્રી આવતા હોય.