ખુલાસો / ફિલ્મોમાં કામના બદલામાં છોકરીઓ સાથે શક્તિ કપૂરની આવી હતી ડિમાન્ડ

'ક્રાઇમ માસ્ટર લોગો'ના નામથી જાણીતા શક્તિ કપૂર આજે જન્મ દિવસ ઊજવી રહ્યા છે. 700થી વધારે ફિલ્મો કરી ચુકેલા શક્તિ કપૂરને લોકોએ રિયલ લાઇફમાં એ સમયે વિલન સમજી લીધા હતા જ્યારે એક સ્ટિંગ ઓપરેશન દરમિયાન ઝડપાઇ ગયા હતા. સ્ટિંગમાં શક્તિ કપૂર છોકરીઓને ફિલ્મોમાં રોલ અપાવવાના બદલામાં એમની પાસેથી ઘણા પ્રકારની ડિમાન્ડ કરી રહ્યા હતા. 

વર્ષ 2005માં એક ન્યૂઝ ચેનલના સ્ટિંગ ઓપરેશનનો વીડિયો જારી કર્યો. એમાં શક્તિ કપૂર એક છોકરી પાસે ટીવી શો માં રોલના બદલામાં સેક્શુઅલી એડવાન્ટેજીસ લેવાનો પ્રયત્ન કરતાં કેમેરામાં કેદ થયા હતા. આટલું જ નહીં શક્તિ કપૂર એ છોકરીને એવું કહેતા ઝડપાઇ ગયા હતા કે ઇન્ડસ્ટ્રીમાં તો આવું જ થતું આવ્યું છે. આજે જેટલી પણ મોટી એસ્ટ્રેસેસ ઊંચાઇ સુધી પહોંચી છે એ તમામ આવા ફેવર આપ્યા બાદ ત્યાં સુધી પહોંચી છે.

 શક્તિ કપૂરના આ સ્ટિંગથી ઇન્ડસ્ટ્રીના લોકોએ કડક પ્રતિક્રિયા આપી હતી અને એમને ફિલ્મોમાં કામ કરવા પર જ પ્રતિબંધ લગાવી દીધો. ફિલ્મ એન્ડ ટીવી પ્રોડ્યૂસર્સ ગિલ્ડ ઑફ ઇન્ડિયાની તરફથી યશ ચોપડા, સુભાષ ઘાઇ અને અમિત ખન્નાએ મળીને આ નિર્ણય લીધો હતો. સુભાષ ઘાઇએ કહ્યું હતું કે એક વ્યક્તિના કારણે સમગ્ર ઇન્ડસ્ટ્રી બદનામ થાય છે.

કાસ્ટિંગ કાઉચ વિવાદ પર શક્તિ કપૂરે કહ્યું હતું કે 'હું ફિલ્મ ઇન્ડસ્ટ્રીની માફી માંગુ છું, એમાં સુભાષ ઘાઇ, પ્રીતિ ઝિંટા, ઐશ્વર્યા રાય અને રાની મુખર્જી સુધી તમામ લોકો સામેલ છે. મને ષડયંત્ર હેઠળ ફસાવવામાં આવ્યો છે અને મારા નિવેદનોમાં ફેરફાર કરીને રજૂ કરવામાં આવ્યા છે. મારો હેતુ કોઇનું દિલ દુખાવવાનો નથી.'

શક્તિ કપૂરને એ વખતે પણ મુશ્કેલીનો સામનો કરવો પડ્યો હતો જ્યારે બિગ બૉસમાં તે મિસ અફઘાનિસ્તાન વિદા સમદજઇને આપત્તિજનક રીતે ટચ કરતાં કેમેરામાં કેદ થયા હતા. શક્તિ કપૂર બિગ બોસ પ્રતિભાગી બન્યા હતા, ત્યારે સલમાને કહ્યું હતું  માની ગયા બિગ બોસને, શક્તિ કપૂર જેવા લોકોને પોતાના ઘરે બોલાવ્યા, અમે તો ક્યારેય ના બોલાવીએ.