BIG NEWS / ગુજરાતમાં વિપક્ષ નેતાના સસ્પેન્સનો આવી શકે અંત! આ બે દિગ્ગજ ચહેરાઓના નામ ચર્ચામાં

• કોંગ્રસના વિધાયક દળના નેતા મામલે સૌથી મોટા સમાચાર
• શૈલેષ પરમાર અથવા સી.જે ચાવડા બની શકે છે વિપક્ષ નેતા
• પાટીદાર ચેહરામાં કિરીટ પટેલને પણ બનાવાઈ શકે છે વિપક્ષ નેતા

ગુજરાતના રાજકારણને લઇ સૌથી મોટા સમાચાર સામે આવ્યા છે. કોંગ્રસના વિધાયક દળના નેતાને લઇને સૌથી મોટા સમાચાર સામે આવ્યા છે. કારણ કે એવું જાણવા મળી રહ્યું છે કે, શૈલેષ પરમાર અથવા સી.જે ચાવડા વિપક્ષ નેતા બની શકે છે. પ્રદેશ નેતૃત્વએ આ બંને નામ મોકલી આપ્યા છે.

કોંગ્રસના વિધાયક દળના નેતા મામલે મોટા સમાચારઃ શૈલેષ પરમાર અથવા સી.જે ચાવડા બની શકે છે નેતા વિપક્ષ, પ્રદેશ નેતૃત્વએ આ બંને નામ મોકલ્યા#congress #saileshparmar

— VTV Gujarati News and Beyond (@VtvGujarati) December 29, 2022

અર્જુન મોઢવાડિયાએ વિપક્ષ નેતા બનવાની ના પાડી દીધી
જો પાટીદાર ચેહરાને બનાવાય તો કિરીટ પટેલને પણ વિપક્ષ નેતા બનાવાઈ શકે. જ્યારે જગદીશ ઠાકોર પણ ઉત્તર ગુજરાતનું રાજકારણ કરતા હોવાથી સી.જે ચાવડા અને કિરીટ પટેલની શક્યતા ઓછી દેખાઇ રહી છે. પરંતુ શૈલેષ પરમારનું નામ લગભગ નક્કી હોવાનું લાગી રહ્યું છે. જ્યારે બીજી બાજુ અર્જુન મોઢવાડિયાએ વિપક્ષ નેતા બનવાની ના પાડી દીધી છે. અર્જુન મોઢવાડિયાએ કોઈ પણ નવા ચેહરાને વિપક્ષ નેતા બનાવવાની ઈચ્છા ધરાવી છે.